Atchenna On pensions: పింఛన్పై ముఖ్యమంత్రి జగన్ మడమ తిప్పారని తెదేపా రాష్ట్ర అధ్యక్షుడు అచ్చెన్నాయుడు ఆగ్రహం వ్యక్తం చేశారు. వృద్ధుల ఫించన్ను రూ.2000 నుంచి రూ.3000 లకు పెంచుతానని తిరుపతి సభలో హామీ ఇచ్చారని.. అధికారం చేపట్టి మూడేళ్లవుతున్నా ఇప్పటికీ పెంచింది కేవలం రూ.250 మాత్రమేనని మండిపడ్డారు.
జగన్ మోసకారి మాటలతో పింఛన్దారులకు భారీగా నష్టం వాటిల్లిందని ధ్వజమెత్తారు. రెండున్నరేళ్లలో రూ.250 పెంచి ఒక్కొక్కరికీ రూ.23,250 ఎగనామం పెట్టారని అన్నారు. మొత్తం 54.25 లక్షల పెన్షన్దారులకు రూ.12,613 కోట్లు మోసం చేశారని ఆగ్రహం వ్యక్తం చేశారు. చంద్రబాబు రూ.1800 పెంచినా.. ప్రచారం చేసుకోలేదని, జగన్ రెడ్డి రూ.250 పెంచి.. రూ.20 కోట్లు ఖర్చు పెట్టి పత్రికల్లో ప్రచారం చేసుకుంటున్నారని ధ్వజమెత్తారు.
అచ్చెన్నకు శుభాకాంక్షలు తెలిపిన కార్యకర్తలు..
తెలుగుదేశం పార్టీ రాష్ట్ర అధ్యక్షుడు అచ్చెన్నాయుడుకు నేతలు, కార్యకర్తలు పెద్ద ఎత్తున నూతన సంవత్సర శుభాకాంక్షలు తెలియజేశారు. అచ్చెన్న స్వగ్రామం.. శ్రీకాకుళం జిల్లా నిమ్మాడ గ్రామంలో ఎంపీ రామ్మోహన్ నాయుడుతో కలసి శుభాకాంక్షలు తెలిపారు.
ఇదీ చదవండి :
CM Jagan At YSR Pension: ఎన్నికల మేనిఫెస్టోలో ఇచ్చిన ప్రతి హామీని నెరవేరుస్తున్నాం: సీఎం జగన్
