కార్పోరేషన్లు, మున్సిపాల్టీలు, నగరపంచాయతీల్లో జరిగిన ఏకగ్రీవాలను రాష్ట్ర ఎన్నికల సంఘం ప్రకటించింది. రాష్ట్రంలో మొత్తం 2,794 వార్డులకు గాను 578 వార్డులు ఏకగ్రీవమైనట్లు ఎస్ఈసీ తెలిపింది. డివిజన్లు , వార్డులు కలిపి మొత్తం 20.68 శాతం ఏకగ్రీవమయ్యాయని ఎస్ఈసీ నిమ్మగడ్డ రమేశ్ కుమార్ వెల్లడించారు. ఏకగ్రీవాలతో అధికార వైకాపా అత్యధిక స్థానాలు దక్కించుకుందని కమిషన్ తెలిపింది.
వైకాపాకి 570 స్థానాలు , తెదేపాకి - 5, భాజపాకి- 1,స్వతంత్ర అభ్యర్థులకు -2 స్థానాల్లో ఏకగ్రీవమైనట్లు ఎస్ఈసీ స్పష్టం చేసింది. ఆయా పార్టీల అభ్యర్థులు ఏకగ్రీవంగా ఎన్నికైనట్టు రాష్ట్ర ఎన్నికల సంఘం తెలిపింది.
ఇదీ చూడండి. 'ఫిర్యాదులను ఎన్నికల కమిషన్ తీవ్రంగా పరిగణిస్తోంది'
