RRR on YS Viveka Case: వివేకా హత్య కేసు విచారణకు వైకాపా పెద్దలు సహకరించాలి: రఘురామ

RRR on YS Viveka Case: వివేకా హత్య కేసు విచారణకు వైకాపా పెద్దలు సహకరించాలని.. ఆ పార్టీ ఎంపీ రఘురామకృష్ణరాజు సూచించారు. దర్యాప్తునకు జాప్యం కలిగించేలా..అనవసరమైన కేసులు వేయొద్దని వ్యాఖ్యానించారు.

RRR on YS Viveka Case: ఇప్పుడిప్పుడే వేగం అందుకున్న వివేకా హత్య కేసు విచారణకు వైకాపా పెద్దలు సహకరించాలని.. ఆ పార్టీ ఎంపీ రఘురామకృష్ణరాజు సూచించారు. దర్యాప్తునకు జాప్యం కలిగించేలా.. అనవసరమైన కేసులు వేయొద్దని వ్యాఖ్యానించారు. సీబీఐ ఛార్జ్​షీట్​లో ఎంపీ అవినాష్ రెడ్డి పేరు ఉండడంపై.. రఘురామ కీలక వ్యాఖ్యలు చేశారు.

సీబీఐకీ మా పార్టీ అంటే కోపమెందుకుంటుందో నాకు తెలీదు. విజయసాయిరెడ్డి, అవినాష్ రెడ్డి కానీ.. ముఖ్యమంత్రి బాధైతే వర్ణణాతీతం. నిన్నటి ఛార్జ్​షీట్​లో అవినాష్ రెడ్డి పాత్ర ఉందని.. అనుమానమన్నారు. కొంతమంది వారి కుమార్తె, అల్లుడి మీద అనుమానం వచ్చేలాగా.. వాళ్లు, వీళ్లతో పోలీస్ కంప్లైంట్లు ఇప్పించి చాలా చేశారు. మరెన్నో ట్రిక్కులు చేశారు. అయినా సరే సీబీఐ వాళ్ల ఛార్జ్​షీట్​లో అంత స్పష్టంగా పలానా వాళ్ల మీద అనుమానముందని అన్నారు. కచ్చితంగా అలాగా జరగకూడదు. రూ.40కోట్లు ఖర్చుపెట్టవలసిన అవసరం ఎవరికుంది? ఎవరు లేపారో.. వాళ్ల వివరాలున్నాయి. కాగితాలు దొరికాయి. చంపించింది ఎవరు? రూ.40కోట్లు ఖర్చుపెట్టి చంపించాలంటే.. ఆ వ్యక్తి ఎంత ధనవంతులై ఉండాలి. అంత ధనం ఎవరికి ఉండి ఉండొచ్చు. ఆ అవసరం ఎందుకొచ్చుండొచ్చు? ఇవన్నీ కూడా.. కేసు దర్యాప్తు ఇప్పుడు వేగవంతమైంది కాబట్టి రేపో మాపో తెలుస్తుంది. సీబీఐ వాళ్లు డైరెక్ట్​గా ఛార్జ్​షీట్ వేసిన తరువాత ప్రజల్లో కూడా కొన్ని అనుమానాలున్నాయి. కాబట్టి నిష్పక్షపాతంగా అది జరిగేలాగా మీరు సహకరించగలిగితే.. ఎందుకంటే పార్టీకి చెడ్డపేరు రాకూడదు. ఇలాంటి వాటికి పార్టీ పెద్దలు ఆమడ దూరంలో ఉన్నారనే నేనంటుకుంటున్నాను. ఉండాలి కూడా. -రఘురామకృష్ణరాజు, ఎంపీ

ఇదీ చదవండి: