'ఆస్తులు కాపాడుకునేందుకే పార్టీ మారుతున్నారు'

కొంతమంది ఆస్తులు కాపాడుకోవడానికే పార్టీ మారుతున్నారని... తెదేపా ఎమ్మెల్సీ బచ్చుల అర్జునుడు ఆరోపించారు. అవకాశమిచ్చిన వారిపై ఇప్పుడు ఆరోపణలు చేస్తున్నారని ఆగ్రహం వ్యక్తం చేశారు.

తెదేపా నేతలు పార్టీ మారడంపై ఆ పార్టీ ఎమ్మెల్సీ బచ్చుల అర్జునుడు ఆగ్రహం వ్యక్తం చేశారు. వల్లభనేని వంశీకి ఎంపీగా, ఎమ్మెల్యేగా చంద్రబాబు అవకాశం ఇచ్చారని ఆయన గుర్తుచేశారు. వంశీకి పార్టీలో ఏం అగౌరవం జరిగిందో గుండెలమీద చెయ్యేసుకుని చెప్పగలరా అని ప్రశ్నించారు. అవినాష్​కు తెలుగు యువత అధ్యక్షుడిగా పదవి ఇచ్చి... ఎమ్మెల్యేగా టికెట్ ఇస్తే, లోకేష్ మీద అవాకులు... చవాకులు మాట్లాడుతున్నారని మండిపడ్డారు.

ఇదీ చదవండి: 'జగన్​కు సైనికుడిగా ఉండాలనే వైకాపాలోకి వచ్చా'