'కొత్త విద్యుత్ టారిఫ్​లతో సామాన్యులకు ఇబ్బంది లేదు'

కొత్త విద్యుత్‌ టారిఫ్‌లతో సామాన్యులకు ఎలాంటి ఇబ్బందులు లేవని మంత్రి బుగ్గన రాజేంద్రనాథ్ రెడ్డి స్పష్టం చేశారు. సామాన్య వినియోగదారుడిపై రూపాయి కూడా భారం మోపలేదన్నారు.

500 యూనిట్లు దాటితేనే కొత్త విద్యుత్ టారిఫ్ వల్ల ఇబ్బంది ఉంటుందని మంత్రి బుగ్గన అన్నారు. రెండు మూడు ఏసీలు ఉన్నవారికే 500యూనిట్లు దాటుతుందన్నారు. 2020-21 ఆర్థిక సంవత్సరానికి టారిఫ్‌లో ఎలాంటి మార్పులు లేవని మంత్రి పేర్కొన్నారు. లాక్‌డౌన్‌ వల్ల అంతా ఇళ్లలో ఉన్నారని..విద్యుత్ అధిక ‌ వినియోగం ఆధారంగానే బిల్లులు వచ్చాయని మంత్రి తెలిపారు.

ఇదీ చదవండి: రైతుకు మేలు జరగాలన్నదే ప్రభుత్వ లక్ష్యం: సీఎం జగన్