పీపీఏలపై విచారణ రేపటికి వాయిదా!

పవన, సౌర విద్యుత్ టారిఫ్​ల కుదింపుపై పలు విద్యుత్ కంపెనీలు దాఖలు చేసిన పిటిషన్​ను విచారించిన హైకోర్టు తదుపరి విచారణను రేపటికి వాయిదా వేసింది. గతంలో టారిఫ్​లపై ఏపీఎస్పీడీసీఎల్ ఉత్తర్వులను నిలుపుదల చేయాలని వ్యాజ్యం దాఖలైన విషయం తెలిసిందే.

విద్యుత్‌ కంపెనీలు దాఖలు చేసిన పిటిషన్‌పై నేడు హైకోర్టులో విచారణ జరిగింది. ఈ మేరకు కొందరు పిటిషనర్లు తమ వాదనలు విన్నారు. మరి కొందరు వాదనలు వినిపించాల్సి ఉండగా..ధర్మాసనం విచారణను రేపటికి వాయిదా వేసింది. పవన, సౌర విద్యుత్ టారిఫ్ కుదింపుపై పలు విద్యుత్ కంపెనీలు న్యాయస్థానాన్ని ఆశ్రయించిన విషయం తెలిసిందే. విద్యుత్ టారిఫ్​లపై ఏపీఎస్పీడీసీఎల్ ఉత్తర్వులను నిలుపుదల చేయాలని వ్యాజ్యం దాఖలు చేశాయి. ప్రభుత్వం నియమించిన ఉన్నతస్థాయి సమీక్ష కమిటీని నిలువరించాలని పిటిషన్​లో కోరారు.