మాజీ ప్రధాని అటల్ బిహారీ వాజ్పేయీ జయంతి సందర్బంగా తెదేపా అధినేత చంద్రబాబు ట్విట్టర్ వేదికగా నివాళులర్పించారు. ఆయనతో ఉన్న జ్ఞాపకాలను పంచుకున్నారు.
విజయవాడ సత్యనారాయణపురం ప్రధాన కూడలిలో మాజీ ప్రధాని అటల్ బిహారీ వాజ్పేయీ జయంతిని నిర్వహించారు. ఈ కార్యక్రమానికి రాజ్యసభ సభ్యులు, భాజపా జాతీయ నేత జీవీఎల్ నర్శింహారావు పాల్గొని అటల్ బిహారీ వాజ్పేయీ చిత్రపటానికి పూల మాలలు వేసి నివాళులర్పించారు. అనంతరం పేదలకు దుప్పట్లు, పళ్లు పంపిణీ చేశారు. అటల్ బిహారీ వాజ్పేయీ దేశాభివృద్ధికి ఆనాడే బాటలు వేశారని... ఇప్పుడు ప్రధాని మోదీ అదే బాటలో పయనిస్తున్నారని జీవీఎల్ నర్శింహారావు పేర్కొన్నారు.
కృష్ణా జిల్లా మైలవరంలోని స్థానిక భాజపా కార్యాలయంలో వాజ్పేయీ చిత్రపటానికి పూలమాలలు వేసి నివాళులర్పించారు. అలాగే మైలవరంలోని ప్రభుత్వాసుపత్రిలో ఉన్న రోగులకు పండ్లు పంపిణీ చేశారు. వత్సవాయి మండలంలో వాజ్పేయీ జయంతిని భాజపా నేతలు ఘనంగా నిర్వహించారు.
నెల్లూరు జిల్లా నాయుడుపేట దర్గా కూడలిలో వాజ్పేయీతోపాటు భాజపా రాష్ట్ర కోశాధికారి సత్యమూర్తి చిత్రపటానికి పూలమాలలు వేసి నివాళులర్పించారు.
ఇదీ చదవండి:
