తెదేపా హయాంలో లక్షా 35 వేల కోట్లు అప్పు చేయడానికి 60 నెలలు పడితే...వైకాపా ప్రభుత్వం 20 నెలల్లోనే లక్షా 55 వేల కోట్లు అప్పు చేసిందని సీపీఐ రాష్ట్ర కార్యదర్శి రామకృష్ణ విమర్శించారు. తెచ్చిన అప్పుతో ఏ రంగాన్ని అభివృద్ధి చేశారో..శ్వేతపత్రం విడుదల చేయాలని ఆయన డిమాండ్ చేశారు. పురపాలక ఎన్నికల్లో వైకాపాకు ఓటేస్తే...ప్రజలకు భవిష్యత్తులో ఏ ఎన్నికల్లోనూ ఓటేయాల్సిన అవసరం ఉండదని ఎద్దేవా చేశారు. ప్రజాస్వామ్యాన్ని అపహాస్యం చేసేలా ఏకగ్రీవాలు చేసుకుంటున్నారని దుయ్యబట్టారు. వైకాపా అరాచకాలకు పోలీసులు మద్దతుగా నిలవటం సిగ్గుచేటని మండిపడ్డారు. పురపాలక ఎన్నికల్లో ప్రజలు ఆలోచించి ఓటు వేయాలని సూచించారు.
ఇదీచదవండి
