కన్నకొడుకే కాడెద్దులా మారి పొలం చదను చేసిన ఘటన తెలంగాణలోని ఆదిలాబాద్‌ జిల్లాలో చోటుచేసుకుంది. ఇంద్రవెల్లి మండలం డొంగర్‌గావ్‌కు చెందిన ఆదివాసీ రైతు అభిమాన్‌కు ఆరెకరాల పొలం ఉంది. ఖరీఫ్ పనులు వేగం కావడం వల్ల తనకున్న ఎద్దులతో పొలాన్ని చదను చేసే క్రమంలో.. అనారోగ్యంతో ఆదివారం రోజున ఓ ఎద్దు చనిపోయింది.
పెట్టుబడి కోసం అప్పులు చేయాల్సిన పరిస్థితిలో ఉన్న అభిమాన్‌... మరో ఎద్దును కొనాలంటే కనీసం రూ. 40 వేలు ఖర్చుచేయాల్సి ఉంటుంది. పైగా సొమవారం వరుణుడు పలకరించడం వల్ల సమయం దాటిపోకుండా ఉండాలంటే పొలాన్ని చదును చేయకతప్పని పరిస్థితి. ఉన్న ఒక్క ఎద్దుతోపాటు మరోవైపు తన కన్నకొడుకు సాయినాథ్‌నే కాడెద్దుగా మార్చి పొలం చదనుచేశాడు. చేతిలో డబ్బులేనిది ఏంచేస్తాం..? ఏదో ఒకరకంగా బతకాలి కదా..! అనే తన మాటలు కదిలిస్తున్నాయి.
ఇదీ చూడండి:
Nominated MLC's: 4 నామినేటెడ్ ఎమ్మెల్సీ పదవులు..గవర్నర్ ఆమోదం
