"నెల్లూరు జిల్లా సూళ్లూరుపేట నియోజకవర్గం ఓజిలిలో తెదేపా నాయకులను బెదిరిస్తున్న సీఐ నరసింహారావు, ఎస్ఐ శేఖర్ బాబులను తక్షణమే విధుల నుంచి తప్పించాలి" అని ఆ పార్టీ రాష్ట్ర అధ్యక్షులు అచ్చెన్నాయుడు డిమాండ్ చేశారు. పోలింగ్ బూత్ ఏజంట్లను పెడితే సంగతి చూస్తామని బెదిరిస్తున్న ఇద్దరు అధికారులు... పోలీసు శాఖలో పనిచేస్తున్నారా ? లేక వైకాపాలో పనిచేస్తున్నారా ? అని ప్రశ్నించారు.
మూడేళ్ల తర్వాత ప్రభుత్వం మారితే మళ్లీ పోలీసు ఉద్యోగమే చేయాల్సి ఉంటుందని గుర్తుపెట్టుకోవాలని హితవు పలికారు. పోలీసులు నిస్పక్షపాతంగా వ్యవహరించకుంటే భవిష్యత్లో తగిన మూల్యం తప్పదని హెచ్చరించారు. బెదిరింపులు, తప్పుడు కేసులతో తిరుపతి ఉప ఎన్నికలో తెదేపా విజయాన్ని అడ్డుకోలేరని స్పష్టం చేశారు.
ఇదీ చదవండి:
వైకాపా సర్కార్ అధికార దుర్వినియోగానికి పాల్పడుతోంది: శైలజానాథ్
