Karnataka Liquor seized : చిత్తూరు-వేలూరు రోడ్డులో మాపాక్షి వద్ద పోలీసులు తనిఖీలను నిర్వహించారు. ఈ క్రమంలో పాల వ్యానులో అక్రమంగా తరలిస్తున్న మద్యం బాటిళ్లను గుర్తించారు. వాహనంలో ఉన్న ఇద్దరిని అదుపులోకి తీసుకున్నారు.
వారిని విచారించగా.. నిషేధిత కర్ణాటక మద్యాన్ని కర్ణాటక నుంచి, రాష్ట్రానికి అక్రమంగా తరలిస్తున్నట్టు తేలిందని పోలీసులు వెల్లడించారు. పట్టుబడిన మద్యం విలువ సుమారు రూ.20లక్షలు ఉండొచ్చని తెలిపారు.
నిందితులు పుణ్యసముద్రం కార్తీక్, రాళ్ళపల్లి సురేష్ బాబుపై.. జిల్లాలో అనేక కేసులు ఉన్నట్లు చిత్తూరు డీఎస్పీ సుధాకర్ రెడ్డి తెలిపారు. ఈ కేసులో ప్రధాన నిందితుడు ఉమాశంకర్ రెడ్డి పరారీలో ఉన్నట్లు పోలీసులు తెలిపారు.
ఇదీ చదవండి : HUNTERS ARREST: జింకల మాంసం విక్రయిస్తున్న ముఠా అరెస్ట్
