రాష్ట్రంలోనే తొలిసారిగా ఏపీఎస్ఆర్టీసీలో ఎలక్ట్రిక్ బస్సులను ప్రవేశపెడుతున్నట్లు ఒలెక్ట్రా కంపెనీ ప్రతినిధులు తెలిపారు. ఫేమ్‌ 2 విధానంలో భాగంగా... తిరుమల-తిరుపతి మధ్య 100 బస్సులను తిప్పుతామని వెల్లడించారు. మేకిన్‌ ఇండియాలో భాగంగా ఎలక్ట్రిక్ మొబిలిటీ అగ్రగామి ఒలెక్ట్రా గ్రీన్‌టెక్‌ లిమిటెడ్, ఈవీ ట్రాన్స్ప్రైవేట్‌ లిమిటెడ్ కన్సార్షియం నుంచి ఆర్టీసీ ఎలక్ట్రిక్ బస్సులను ఆర్డర్‌ చేసింది. ఈ ఆర్డర్‌ ప్రకారం 100 ఎలక్ట్రిక్ బస్సులను గ్రాస్కాస్ట్‌ కాంట్రాక్ట్ అపెక్స్ మోడల్ ప్రాతిపదికన అందించాల్సి ఉంటుంది. ఈ కాంట్రాక్టు 12 సంవత్సరాలు అమలులో ఉంటుంది. ఈ కాంట్రాక్ట్ విలువ దాదాపు రూ.140 కోట్లుగా నిర్ణయించారు. ఈ బస్సులను తిరుపతిలోని అలిపిరి డిపో నుంచి నిర్వహిస్తారు. ఇందులో 50 బస్సులను తిరుమల తిరుపతి ఘాట్ రోడ్డులోనూ, మరో 50 బస్సులను తిరుపతి నుంచి నెల్లూరు, కడప, మదనపల్లి పట్టణాలకు ఇంటర్‌సిటీ సర్వీసులుగా నడపనున్నారు.
ఇదీచదవండి.
