మాస్కు పెట్టుకోమన్నందుకే దారుణంగా కొట్టారు: బాధితురాలు

నెల్లూరు టూరిజం కార్యాలయంలో ఉద్యోగినిపై దాడి చేసిన మేనేజర్​ భాస్కర్​ను మంత్రి అవంతి విధుల నుంచి తప్పించారు. తనపై మేనేజర్​ను కావాలనే కొందరు ఉసిగొల్పారని.. మాస్కు పెట్టుకోమన్నందుకే తనను విచక్షణారహితంగా కొట్టారని బాధితురాలు ఉషారాణి ఆవేదన వ్యక్తం చేశారు.

నెల్లూరు టూరిజం హోటల్​లో కాంట్రాక్టు ఉద్యోగినిపై విచక్షణారహితంగా దాడికి తెగబడ్డ మేనేజర్​ భాస్కర్​ను పోలీసులు అరెస్టు చేశారు. విషయం తెలుసుకున్న మంత్రి అవంతి శ్రీనివాస్​ ఆయన్ను విధుల నుంచి తప్పించారు.

మాస్కు పెట్టుకోమన్నందుకే...

మాస్కు పెట్టుకోమన్నందుకే దివ్యాంగురాలని కూడా చూడకుండా తనపై మేనేజర్​ దాడి చేశారని కాంట్రాక్టు ఉద్యోగిని ఉషారాణి తెలిపారు. దొరికిన ఆయుధాలతో విచక్షణారహితంగా కొట్టారని ఆవేదన వ్యక్తం చేశారు. ఈ విషయంపై ఉన్నతాధికారులకు ఫిర్యాదు చేసినా పట్టించుకోలేదని ఆమె ఆరోపించారు. అనంతరం జరిగిన విషయాన్ని పోలీసులకు ఫిర్యాదు చేసినట్లు పేర్కొన్నారు. కొంతమంది కావాలనే ఆయన్ను తనపై దాడికి ఉసిగొల్పారని బాదితురాలు చెప్పారు.

ఇదీ చూడండి..