ఆరోగ్యశాఖ అధికారి మొబైల్కు కరోనా వ్యాక్సినేషన్ రెండు డోసులు విజయవంతంగా వేయించుకున్నారంటూ సంక్షిప్త సందేశం వచ్చింది. అందులో వింతేముంది వ్యాక్సిన్ రెండు డోసులు వేయించుకున్న అందరికీ వస్తుంది అంటారా..అదే మరి ఇక్కడ ట్విస్టు..
ఆయన వ్యాక్సినేషన్ ప్రక్రియ ప్రారంభించిన తొలిరోజుల్లోనే రెండు డోసులు వేయించుకున్నారు. అంతేనా స్వయానా ఆయనే రాష్ట్ర వైద్య ఆరోగ్య శాఖ ప్రధాన కార్యాలయంలో కీలక బాధ్యతలు నిర్వర్తిస్తున్న ఓ అధికారి. ఆయనకు గుంటూరు జిల్లా వైద్య ఆరోగ్య శాఖ నుంచి ఇలా వింత అనుభవం ఎదురైంది.
విజయవాడలో ఉన్న ఆ అధికారికి ఫిబ్రవరి 18న తొలి డోసు, అక్టోబరు 30న రెండో డోసు వేసినట్లు.. వ్యాక్సిన్ బ్యాచ్‌ నంబరుతో సహా వివరాలు కొవిన్‌ యాప్‌లో తాజాగా నమోదు కావడం గమనార్హం. ఈ సంక్షిప్త సమాచారం సెల్‌ఫోన్‌కు రావడంతో ఆయన అవాక్కయ్యారు. జిల్లాల అధికారులతో శుక్రవారం జరిగిన వీడియో కాన్ఫరెన్స్‌లో దీనిపై చర్చ జరిగింది.
'కొండ గుట్ట' భూముల్లో ఇళ్ల స్థలాలు ఇవ్వడానికి వీల్లేదు: హైకోర్టు
