గుంటూరులోని చైతన్యపురిలో ఐఐటీ విద్యార్థి అనుమానాస్పద రీతిలో మృతి చెందాడు. నగరంలోని చంద్రమౌళి నగర్కు చెందిన గంగిశెట్టి రిత్విక్... కర్ణాటకలో ఐఐటీ ఫైనల్ ఇయర్ చదువుతున్నాడు. కరోనా కారణంగా ప్రస్తుతం ఇంటి వద్ద ఉంటున్నాడు. శనివారం సాయంత్రం చైతన్యపురిలోని మైత్రివనం అపార్ట్మెంట్లోని స్నేహితుడిని కలిసేందుకు వెళ్లాడు. కొద్దిసేపటి తరువాత అపార్ట్మెంట్ ఎదుట విగతజీవిగా పడి ఉన్నాడు. స్థానికులు సమాచారం ఇవ్వటంతో అరుండల్ పేట పోలీసులు అక్కడికి చేరుకుని పరిశీలించారు. బలవన్మరణమా?... లేదంటే ఏదైనా జరిగిందా అనే కోణంలో దర్యాప్తు చేస్తున్నారు. రిత్విక్ తండ్రి ప్రకాశం జిల్లా ఒంగోలులో సబ్ రిజిస్టార్గా పని చేస్తున్నారు.
ఇదీ చదవండి
