గుంటూరులో కర్ఫ్యూ నిబంధనలను పోలీసులు కట్టుదిట్టంగా అమలు చేస్తున్నారు. కరోనా కేసులు తగ్గుముఖం పట్టిన నేపథ్యంలో కేసులు పెరగకుండా మరింత పకడ్బందీగా నిబంధనలు అమలుకు అక్కడి అధికారులు నిర్ణయించారు. గుంటూరు అర్బన్ ఎస్పీ ఆరిఫ్ హఫీజ్ నగరంలోని పలుప్రాంతాల్లో క్షేత్రస్థాయిలో పర్యటించి కర్ఫ్యూ పరిస్థితిని సమీక్షించారు. మధ్యాహ్నం 12 గంటల తర్వాత సరైన కారణాలు చూపని వాహనదారుల నుంచి వాహనాలను స్వాధీనం చేసుకున్నారు. కరోనా నియంత్రణకు అమలు చేస్తున్న నిబంధనలను ప్రజలు పాటించాలని అర్బన్ ఎస్పీ విజ్ఞప్తి చేశారు.
ఇవీ చదవండి:
