'సీబీఐతో దర్యాప్తు చేయించాలి'

వైఎస్ వివేకా హత్య కేసులో ఏపీ పోలీసులపై తమకు నమ్మకం లేదని.. సీబీఐతో దర్యాప్తు చేయించి నిందితులను కఠినంగా శిక్షించాలని వైకాపా నాయకులు డిమాండ్ చేశారు.

వైఎస్ వివేకానంద రెడ్డి హత్యపై పోలీసులు లోతుగా దర్యాప్తు చేసి నిందితులను కఠినంగా శిక్షించాలని వైకాపా నాయకులు డిమాండ్ చేశారు. అనంతపురం టవర్ క్లాక్ వద్ద గాంధీ విగ్రహం సమీపంలో ఆ పార్టీ నాయకులు నల్ల బ్యాడ్జీలతో నిరసన తెలిపారు. తెలుగుదేశం ప్రభుత్వం హత్య రాజకీయాలతో కుట్రపూరిత వ్యవహారాలు చేస్తోందని ఆరోపించారు.