భారత ఉపరాష్ట్రపతి వెంకయ్యనాయుడు కామొరోస్ అత్యున్నత పౌర పురస్కారం 'ద ఆర్డర్ ఆఫ్ ద గ్రీన్ క్రెసెంట్'ను అందుకున్నారు. కామొరోస్ అధ్యక్షుడు అజాలీ అసౌమని చేతుల మీదుగా మొరోనీలో ఈ గౌరవాన్ని స్వీకరించారు.
ఆనందంగా ఉందంటూ ట్వీట్
కామొరోస్ అత్యున్నత పౌర పురస్కారం అందుకోవడంపై ఉపరాష్ట్రపతి వెంకయ్యనాయుడు హర్షం వ్యక్తం చేశారు.'130 కోట్ల మంది భారతీయుల తరఫున వినయపూర్వకంగా ఈ గౌరవాన్ని స్వీకరిస్తున్నాను. భారత్-కామొరోస్ మైత్రికి గుర్తుగా ఈ పురస్కారం అందుకోవడం చాలా ఆనందంగా ఉంది. ఉగ్రవాదాన్ని నిర్మూలించాలన్న సంయుక్త లక్ష్యమే మమ్మల్ని కలిపింది. ఇరు దేశాలను కలిపే సముద్రం కూడా ఒక్కటే. సముద్రమంత స్నేహమిది. పరస్పర పురోగతి స్వప్నమిది.' అంటూ ట్వీట్ చేశారు.
ఇదీ చూడండి:
