హైదరాబాద్లోని ప్రైవేటు ఆస్పత్రుల్లో కరోనా టీకాల కార్యక్రమం మొదలైంది. టీకాల తయారీ కంపెనీల నుంచి ప్రైవేటు ఆస్పత్రులే నేరుగా కొనుగోలు చేసుకోనున్నారు. కొవాగ్జిన్‌ టీకా డోసును రూ.1,200, కొవిషీల్డ్‌ డోసును రూ.600 చొప్పున ప్రైవేటు ఆసుపత్రులకు విక్రయిస్తామని సంబంధిత టీకా తయారీ సంస్థలు ప్రకటించాయి. జూబ్లీహిల్స్‌లోని ఒక కార్పొరేట్‌ ఆసుపత్రి కొవాగ్జిన్‌ డోసుకు రూ.1,250, కొవిషీల్డ్‌ డోసుకు రూ.850 వసూలు చేయాలని నిర్ణయించింది.
లక్డీకాపుల్‌లోని మరో ఆసుపత్రిలోనూ ఇవే ధరలకు టీకాలు వేస్తున్నారు. మిగిలిన ఆసుపత్రుల్లో కొద్దిరోజుల్లో ఈ కార్యక్రమం మొదలయ్యే అవకాశం ఉంది. ప్రైవేట్‌లో టీకాలు వేయించుకోవాలంటే ఆన్‌లైన్‌లో స్లాట్‌ బుక్‌ చేసుకుని వెళ్లాలి. 45 ఏళ్ల వయసు దాటినవారికి మాత్రమే టీకాలు ఇస్తామని ప్రైవేట్‌ ఆసుపత్రులవారు చెబుతున్నారు.
ఇదీ చూడండి:
