వైకాపా ఆవిర్భవించి శుక్రవారం నాటికి 10 ఏళ్లు పూర్తి కానున్నాయి. 2011 మార్చి 12న వైకాపా రాజకీయ పార్టీగా అవతరించింది. ఈ సందర్భంగా పార్టీ ఆవిర్భావ దినోత్సవాన్ని పురస్కరించుకుని రాష్ట్రవ్యాప్తంగా పార్టీ జెండాలు ఎగుర వేయాలని, దివంగత సీఎం రాజశేఖరరెడ్డి విగ్రహాలకు పూలమాలలు వేసి వేడుకలను నిర్వహించాలని ఆ పార్టీ తెలిపింది. తాడేపల్లిలోని పార్టీ కేంద్ర కార్యాలయంలో ఆవిర్భావ దినోత్సవాన్ని నిర్వహించనున్నట్లు ప్రధాన కార్యదర్శి లేళ్ల అప్పిరెడ్డి తెలిపారు. పార్టీ ప్రధాన కార్యదర్శి సజ్జల రామకృష్ణారెడ్డి, మంత్రులు హాజరవుతారని వెల్లడించారు.
ఇదీ చదవండి: గుంటూరు జిల్లా మాచర్లలో పర్యటించనున్న సీఎం జగన్‌
