Russia Ukraine War: 'ఇప్పటివరకు 423 మంది ఏపీ విద్యార్థుల వివరాలు తెలిశాయి'

Russia Ukraine War: ఉక్రెయిన్‌లో చిక్కుకున్న 423 మంది ఏపీ విద్యార్థులను మ్యాపింగ్ చేశామని టాస్క్​ఫోర్స్ కమిటీ ఛైర్మన్ కృష్ణబాబు తెలిపారు. కేంద్రంతో సంప్రదింపులు జరుపుతున్నామని.. అందిన సమాచారం ప్రకారం ఏర్పాట్లు చేస్తున్నామని వెల్లడించారు.

Russia Ukraine War: ఉక్రెయిన్‌లో చిక్కుకున్న 423 మంది ఏపీ విద్యార్థులను మ్యాపింగ్ చేశామని టాస్క్​ఫోర్స్ కమిటీ ఛైర్మన్ కృష్ణబాబు వెల్లడించారు. మ్యాపింగ్ చేసిన వాళ్లతో వాట్సాప్ గ్రూప్ ఏర్పాటు చేసి సూచనలిస్తున్నామని చెప్పారు.

ఉక్రెయిన్‌ నుంచి 23 మంది విద్యార్థులు వస్తున్నారు. రెండు విమానాల్లో ముంబయి, దిల్లీకి వస్తున్నారు. సాయంత్రం 6 గం.కు విమానం ముంబయికి వస్తుంది. రేపు ఉదయం 2 గం.కు మరో విమానం దిల్లీకి వస్తోంది. 23 మందిలో ఏపీ విద్యార్థులు ఎందరు ఉన్నారో స్పష్టత లేదు. ముంబయిలో ఐఆర్‌ఎస్ అధికారి రామకృష్ణ, దిల్లీలో దిగేవారికి ప్రవీణ్ ప్రకాష్ అండగా ఉంటారు. దిల్లీ, ముంబయి నుంచి విద్యార్థులను ఏపీకి తరలిస్తారు - కృష్ణబాబు, టాస్క్‌ఫోర్స్ కమిటీ ఛైర్మన్‌

సాహసం చేసి సరిహద్దు ప్రాంతాలకు వస్తే ఇబ్బంది పడతారని కృష్ణబాబు హెచ్చరించారు. విద్యార్థులున్న ప్రాంతాల్లో బాంబింగ్, షెల్లింగ్ జరగడం లేదన్నారు. ఏటీఎంలు, బ్యాంకులు, దుకాణాల వద్ద ఇబ్బందులు రావొచ్చని తెలిపారు. ఉక్రెయిన్‌లో రెడ్‌క్రాస్, ఇతర స్వచ్ఛంద సంస్థల సేవలు అందిస్తున్నాయన్నారు.