రాష్ట్రంలోని అన్ని ప్రాంతాలను సమగ్రంగా అభివృద్ధి చేయటమే తమ ప్రభుత్వ లక్ష్యమని రాష్ట్ర మంత్రి బొత్స సత్యనారాయణ చెప్పారు. తాము నియమించిన నిపుణుల కమిటీ రాష్ట్రంలోని అన్ని ప్రాంతాల్లో పర్యటిస్తోందని అన్నారు. అన్ని వర్గాల నుంచి సలహాలు, సూచనలు తీసుకుంటామని తెలిపారు. ఈ కమిటీ తెదేపా ప్రభుత్వం వేసిన నారాయణ కమిటీ తరహా కాదని ఎద్దేవా చేశారు. అనంతపురం జిల్లా పర్యటనకు వచ్చిన ఆయన...రాజధాని నిర్మాణంపై పలు వ్యాఖ్యలు చేశారు. సింగపూర్ సంస్థతో గత ప్రభుత్వం లోపభూయిష్టమైన ఒప్పందాలు చేసుకున్నందనే ఆ కంపెనీలు వెనక్కి వెళ్లాయని ఆరోపించారు. సదరు కంపెనీలు సమగ్ర డీపీఆర్ తో వస్తే కలిసి పనిచేయటానికి తమ ప్రభుత్వం సిద్ధంగా ఉందని వెల్లడించారు.
కొత్తగా మూడు మార్కెట్ కమిటీలు
అనంతపురం జిల్లాలో మరో మూడు మార్కెట్ కమిటీలను కొత్తగా ఏర్పాటు చేస్తున్నట్లు ఇన్ఛార్జి మంత్రి బొత్స సత్యనారాయణ తెలిపారు. జిల్లా వ్యాప్తంగా ప్రస్తుతం 13 మార్కెట్ కమిటీలు ఉండగా, అదనంగా మరో మూడు కమిటీలు ఏర్పాటు చేస్తామని చెప్పారు.
ఇదీ చదవండి:
