ఓఆర్ఆర్పై కారు దగ్ధం వీడియో..
తెలంగాణలోని రంగారెడ్డి జిల్లా శంషాబాద్ పరిధిలో ఔటర్‌ రింగ్‌ రోడ్‌పై కారు దగ్ధమైంది. గచ్చిబౌలి వెళ్తున్న కారులో శంషాబాద్ ఎయిర్‌పోర్ట్‌ కాలనీ వద్ద ఒక్కసారిగా మంటలు చెలరేగాయి. వాహనం నుంచి దిగేందుకు ప్రయత్నించిన వ్యక్తి మంటల్లో చిక్కుకొని గాయాలపాలయ్యారు. అటువైపు వెళ్తున్న లారీ డ్రైవర్ గమనించి బాధితుడిని బయటకు తీశారు. పరిస్థితి విషమంగా ఉండడంతో శంషాబాద్‌లోని ప్రైవేట్ ఆస్పత్రికి తరలించారు.
మంటల్లో కాలిన వ్యక్తిని తిమ్మాపూర్‌ ప్రాంతానికి చెందిన శ్రీనివాస్‌గా గుర్తించారు. ఘటనా స్థలానికి చేరుకున్న శంషాబాద్ ఎయిర్‌పోర్ట్‌ పోలీసులు కేసు నమోదు చేసుకొని దర్యాప్తు చేస్తున్నారు.
ఇదీ చదవండి:
YADADRI: యాదాద్రి రెండో ఘాట్‌ రోడ్డులో విరిగిపడిన కొండచరియలు
CM Jagan alert on rains: భారీ వర్షాలు... అప్రమత్తంగా ఉండాలని సీఎం ఆదేశాలు
