GVL on Budget: భారత అభివృద్ధికి ఊతమిచ్చేలా కేంద్ర బడ్జెట్​: జీవీఎల్​

GVL respond on Budget: దేశ అభివృద్ధికి ఊతమిచ్చేలా కేంద్ర బడ్జెట్​ ఉందని భాజపా ఎంపీ జీవీఎల్​ నరసింహారావు పేర్కొన్నారు. తెలుగు రాష్ట్రాలకు బడ్జెట్​లో ప్రాధాన్యత లేదని పాత పాటే పాడుతున్నారని.. ఏపీకి సుమారు రూ.10 వేల కోట్ల నిధులు వచ్చే అవకాశముందని తెలిపారు. అంకెలతో అవాస్తవాలు ప్రచారం చేసి మభ్యపెట్టొద్దని ఆయన హెచ్చరించారు.

దేశ అభివృద్ధిని దృష్టిలో పెట్టుకునే బడ్జెట్​ను కేంద్రం రూపొందించిందని భాజపా ఎంపీ జీవీఎల్ నరసింహారావు అన్నారు. భారత అభివృద్ధికి ఊతమిచ్చేలా బడ్జెట్ ఉందని ఆయన తెలిపారు. తెలుగు రాష్ట్రాల్లో రహదారుల నిర్మాణం వేగవంతం కానున్నాయని.. నిర్మాణాలకు రూ.80 వేల కోట్ల నిధుల పెంచారని చెప్పారు. బడ్జెట్​లో పథకాలు తగ్గించి రాష్ట్రాలకు ఎక్కువ కేటాయింపులు జరిగేలా చూశారని ఆయన పేర్కొన్నారు.

"తెలుగు రాష్ట్రాలకు బడ్జెట్​లో ప్రాధాన్యత లేదని పాత పాట పాడుతున్నారు. అది కేంద్ర బడ్జెట్​.... ఏ రాష్ట్ర ప్రస్తావన లేదు. అవాస్తవాలు ప్రచారం చేసి ప్రజలును మభ్యపెటొద్దు. రైతులపై ఎరువుల భారం వేసే ఆలోచన కేంద్రానికి లేదు. ఏపీ, తెలంగాణ ఫుడ్​ సబ్సిడీ కింద నిధులు వచ్చే అవకాశం ఉంది. రెండు తెలుగు రాష్ట్రాల్లో ఆహార ధాన్యాల సేకరణకు ఆహరం సబ్సిడీ కేటాయింపులు పెంచింది. ఏపీకు సుమారు రూ.10 వేల కోట్లు నిధులు వచ్చే అవకాశం ఉంది" - జీవీఎల్​ నరసింహారావు, రాజ్యసభ ఎంపీ

కేంద్రాన్ని విమర్శించే ముందు కేసీఆర్​ తాను ముందు ఏం చేశారో తెలుసుకోవాలని జీవీఎల్​ నరసింహారావు సూచించారు. ఆరోగ్య రంగంలో ​ఏం చేశారో ఒక్కసారి కేసీఆర్​ సమీక్షించుకోవాలన్నారు.

ఇదీ చదవండి-