కరోనా మృతుల అంత్యక్రియలకు, ప్లాస్మా దాతలకు ప్రభుత్వ సాయం

కరోనాతో మృతి చెందిన వారి అంత్యక్రియల కోసం ప్రభుత్వం రూ.15 వేలు చెల్లించనుంది. దీంతో పాటు ప్లాస్మా దానం చేసిన దాతలకు రూ.5 వేలు అందించనున్నట్లు ప్రకటించింది. ఈ మేరకు రాష్ట్ర ఆరోగ్య, కుటుంబ సంక్షేమ కమిషనర్‌ కార్యాలయం నుంచి సంబంధిత జిల్లా కలెక్టర్లకు నిధులు విడుదలయ్యాయి.

కొవిడ్‌తో మృతి చెందిన వారి అంత్యక్రియ‌ల‌కు ప్ర‌భుత్వ‌మే రూ.15వేలు చెల్లించనుంది. కరోనా క‌ష్ట‌కాలంలో ప్లాస్మా దానం చేసిన దాత‌ల‌కు ప్ర‌భుత్వం రూ.5వేలు ఆర్థిక సాయం అందించనుంది. ఈ మేర‌కు రాష్ట్ర ఆరోగ్య, కుటుంబ సంక్షేమ కమిషనర్‌ కార్యాలయం నుంచి సంబంధిత జిల్లా క‌లెక్ట‌ర్ల‌కు నిధులు విడుదలయ్యాయి. కొవిడ్​తో మృతి చెందిన వ్య‌క్తులకు సంబంధించిన కుటుంబ సభ్యులు , ఫ్లాస్మా దాత‌లు ఈ అవ‌కాశాన్ని స‌ద్వినియోగం చేసుకోవాల‌ని సంబంధిత శాఖ తెలిపింది.

ఇదీ చదవండి: భయమెరుగక వైద్యం అందిస్తూ.. కరోనా బాధితులకు ప్రాణం పోస్తూ..!