Health cards ప్రభుత్వ ఉద్యోగులకు ఇతర రాష్ట్రాల్లోనూ వైద్యసేవలు

Health cards ప్రభుత్వ ఉద్యోగులకు ఆరోగ్యశ్రీ తరహాలోనే ఇతర రాష్ట్రాల్లో వైద్య సేవలు పొందేందుకు అనుమతిస్తూ ప్రభుత్వం ఉత్తర్వులు జారీ చేసింది. ఈహెచ్​ఎస్ కార్డుల​ ద్వారా ఉద్యోగులు వైద్యం పొందొచ్చు. మెడికల్ బిల్లులు సమర్పించిన 21 రోజుల్లోనే ఆటోడెబిట్ ద్వారా చెల్లింపులకు ఆంగీకారం తెలిపింది.

Health cards ప్రభుత్వ ఉద్యోగులు ఈహెచ్ఎస్ కార్డు ద్వారా.. ఇతర రాష్ట్రాల్లోనూ వైద్య సేవలు పొందేందుకు ప్రభుత్వం అనుమతించింది. అంతేకాదు.. ఎంప్లాయీస్ హెల్త్ ఇన్సూరెన్స్ పథకం జాబితాలో ఇప్పటి వరకూ లేని 565 వైద్య సేవలను కొత్తగా చేర్చింది. ఈ మేరకు వైద్యారోగ్యశాఖ ముఖ్యకార్యదర్శి ఎం.టి.కృష్ణబాబు ఉత్తర్వులు జారీ చేశారు. ఈహెచ్ఎస్ ద్వారా వైద్యం పొందిన వారికి బిల్లులను.. ఆరోగ్య శ్రీ తరహాలోనే 21 రోజుల్లో ఆటోడెబిట్ స్కీమ్ ద్వారా చెల్లింపులకు ప్రభుత్వ అంగీకారం తెలిపింది. ఈ విధానం వల్ల.. విశ్రాంత ఉద్యోగులు, వారి కుటుంబ సభ్యులూ ఈహెచ్ఎస్ కార్డుపై ఇతర రాష్ట్రాల్లోనూ వైద్య సేవలు పొందనున్నారు.

ఇటీవల ఉద్యోగ సంఘాలతో నిర్వహించిన మంత్రుల కమిటీ సమావేశంలో తీసుకున్న నిర్ణయం మేరకు.. ఈహెచ్ఎస్​పై ప్రభుత్వం తాజా ఆదేశాలు జారీ చేసింది. నెట్ వర్క్ ఆస్పత్రుల్లో ఈహెచ్ఎస్ కార్డుల సమన్వయం కోసం ఆరోగ్యమిత్రలకు ఆదేశాలు జారీ చేస్తామని కూడా ప్రభుత్వం పేర్కొంది. ప్రభుత్వ నిర్ణయం పట్ల ఉద్యోగ సంఘాలు ధన్యవాదాలు తెలిపాయి.

ఇవీ చదవండి: