పెట్రోల్, డీజిల్, గ్యాస్ ధరల పెంపును నిరసిస్తూ కాంగ్రెస్ పార్టీ ఆందోళనకు దిగింది. హైదరాబాద్లోని ఇందిరా పార్కు వద్ద కాంగ్రెస్ నాయకులు ధర్నా చేశారు. కేంద్ర ప్రభుత్వ వైఖరికి నిరసనగా పీసీసీ కార్యనిర్వాహక అధ్యక్షుడు అంజన్కుమార్ యాదవ్ ఎడ్లబండిపై ఇందిరాపార్కు వద్దకు వచ్చారు. పోలీసులు.. అంజన్కుమార్ ఎడ్లబండి దిగకుండా అడ్డుకున్నారు. ఇందిరా పార్కు వద్ద ధర్నాకు అనుమతి లేదని తెలిపారు. దీంతో కాంగ్రెస్ కార్యకర్తలు, పోలీసుల మధ్య కొద్దిసేపు తోపులాట చోటు చేసుకుంది.
అరెస్ట్ల పరంపరం
టీపీసీసీ కార్యనిర్వాహక అధ్యక్షుడు అంజన్కుమార్ యాదవ్ను పోలీసులు అదుపులోకి తీసుకున్నారు. ధర్నాకు వచ్చిన కాంగ్రెస్ నేతలను అరెస్టు చేశారు. ధర్నా చౌక్ వద్దకు వచ్చిన టీపీసీసీ మహిళా కాంగ్రెస్ అధ్యక్షురాలు సునీతా రావు, ఇతర మహిళా కాంగ్రెస్ నేతలను అదుపులోకి తీసుకుని బేగంపేట పోలీస్స్టేషన్కు తరలించారు. పెట్రోల్ ధరల పెరుగుదలను నిరసిస్తూ ఆందోళన చేస్తుంటే... కరోనాను కారణంగా చూపి అనుమతి లేదంటున్నారని అంజన్ కుమార్ మండిపడ్డారు.
ధరల పెంపుతో ప్రజలు ఇబ్బందులు పడుతున్నారని వెల్లడించారు. ధర్నాకు అనుమతి ఇవ్వాలని ఆదివారం పోలీస్ ఉన్నతాధికారులకు లేఖలు ఇచ్చామని... నిన్న అనుమతినిచ్చి ఇవాళ లేదని చెబుతున్నారని ఆరోపించారు. సీఎం కేసీఆర్ మాత్రం వేలమందితో కార్యక్రమాలు చేపట్టొచ్చా అంటూ ప్రశ్నించారు.
ఇదీ చూడండి:
మరింత ఉద్ధృతంగా ఉక్కు ఉద్యమం.. దిల్లీలో ధర్నాకు కార్మిక సంఘాల కార్యచరణ
