డాక్టర్ గంగాధర్పై పెట్టిన కేసును ఉపసంహరించుకోవాలని ఏపీసీసీ కార్యనిర్వాహక అధ్యక్షులు తులసిరెడ్డి డిమాండ్ చేశారు. తాటాకు చప్పుళ్లకు కాంగ్రెస్ బెదరదని స్పష్టం చేశారు. వికేంద్రీకరణ, సీఆర్డీఏ రద్దు చట్టాలపై ఆంధ్రప్రదేశ్ హైకోర్టు ఇచ్చిన స్టేటస్ కో ఉత్తర్వులను ఎత్తివేయాలని రాష్ట్ర ప్రభుత్వం వేసిన పిటిషన్ను సుప్రీంకోర్టు కొట్టివేస్తూ ఉత్తర్వులు ఇవ్వడం హర్షణీయమన్నారు.
రాజధాని అమరావతి రైతులకు చెల్లించాల్సిన కౌలు బకాయిలను ప్రభుత్వం వెంటనే విడుదల చేయాలని డిమాండ్ చేశారు. కౌలు చెల్లించాలని అడిగిన రైతులను అరెస్టు చేయడం దుర్మార్గమని చెప్పారు. వారిని వెంటనే విడుదల చేయాలని కోరారు. కరోనా విజృంభిస్తున్న నేపథ్యంలో సెప్టెంబర్ 5 నుంచి పాఠశాలలు తెరవాలని తీసుకున్న నిర్ణయాన్ని విరమించుకోవాలన్నారు.
ఇదీ చదవండి:
