వైకాపా తీరుతో రాష్ట్రానికి చెడ్డపేరు వచ్చి యువత ఉద్యోగ అవకాశాలు కోల్పోతోందని... తెదేపా అధినేత చంద్రబాబు మండిపడ్డారు. 2018-19 ఆర్థిక సంవత్సరంలో 11.8% శాతంతో అత్యధిక పెట్టుబడులు ఆకర్షించి దేశంలోనే అగ్రస్థానంలో నిలిపామని గుర్తుచేశారు. గత ఐదేళ్లలో దేశవ్యాప్తంగా 7లక్షల కోట్లకు పైగా పెట్టుబడులు వస్తే... అందులో రాష్ట్రానికి 70వేల కోట్లు వచ్చాయని వివరించారు. అందుకు ఆర్బీఐ తాజాగా విడుదల చేసిన బులిటెన్ సాక్ష్యమంటూ ఆ వివరాలను తన ట్విట్టర్‌ ఖాతాలో చంద్రబాబు పోస్ట్‌ చేశారు.
తెదేపా హయాంలో పెట్టుబడుల ఆకర్షణలో మహారాష్ట్ర, గుజరాత్‌తో పోటీపడ్డామన్న చంద్రబాబు... వైకాపా ప్రభుత్వంలో పీపీఏల రద్దు, వాటాల కోసం బెదిరింపులు, డీలర్‌షిప్‌ల కోసం వేధింపులు తట్టుకోలేక... 9 నెలల్లోనే లక్షా 80 వేల కోట్ల పెట్టుబడులు వెనక్కిపోవడం బాధాకరమని ఆవేదన వ్యక్తం చేశారు. ఇటీవల దావోస్‌లోనూ పారిశ్రామికవేత్తలు ఏపీలో గత 9 నెలల రివర్స్‌పాలనపై ఆందోళన వ్యక్తం చేశారంటూ విమర్శించారు. వైకాపా ప్రభుత్వం ఇకనైనా రాష్ట్రాభివృద్ది, భావితరాల భవిష్యత్తుపై దృష్టి సారించాలని హితవు పలికారు.
ఇదీ చదవండి : 2018-19లో అత్యధిక ప్రైవేటు పెట్టుబడులు రాష్ట్రానికే
