మాజీ స్పీకర్ కోడెల శివప్రసాదరావు జయంతి సందర్భంగా ఆయన సేవలను మననం చేసుకుందామని తెదేపా అధినేత చంద్రబాబు అన్నారు. కోడెల శివప్రసాదరావుది ప్రజల కోసం పోరాడే వ్యక్తిత్వమని చంద్రబాబు అన్నారు. ఆపన్నులకు అండగా నిలిచి భరోసా ఇచ్చే గుండె ధైర్యం కోడెల సొంతమన్న చంద్రబాబు... కోడెల రూపాయి డాక్టరుగా పేదలకు వైద్య సేవలందించారని గుర్తుచేశారు. కోడెల సేవలను చూసే ఎన్టీఆర్ ఆయనను రాజకీయాల్లోకి ఆహ్వానించారన్నారు. ప్రజల్లో కోడెలను పల్నాటి పులిగా నిలిపాయన్నారు. కోడెల కుటుంబంపై 19 కేసులు పెట్టి వైకాపా నేతలు కాకుల్లా పొడుచుకుతిన్నారని చంద్రబాబు ఆరోపించారు. మానసికంగా కృంగదీసి ఆత్మహత్యకు పాల్పడేలా చేశారన్నారు. వైకాపా క్రూర రాజకీయానికి కోడెల మృతి ఒక ఉదాహరణ అని చంద్రబాబు మండిపడ్డారు.
ఇదీ చదవండి : స్నేహితుడికి ఉపరాష్ట్రపతి ఫోన్....ఆరోగ్యం పై ఆరా!
