NRI TDP Website: వివిధ దేశాల్లో స్థిరపడిన తెలుగుదేశం పార్టీ అభిమానులు, సంస్థలను ఒకే వేదిక మీదకు తీసుకొచ్చేందుకు గానూ ఎన్ఆర్ఐటీడీపీ విభాగాన్ని ఆ పార్టీ ఏర్పాటు చేసింది. అందుకు ప్రత్యేకంగా ఏర్పాటు చేసిన వెబ్సైట్ www.nritdp.comను పార్టీ అధినేత చంద్రబాబు హైదరాబాద్లో లాంఛనంగా ప్రారంభించారు. ఈ వెబ్సైట్ ద్వారా ఎన్ఆర్ఐల నుంచి పార్టీ సభ్యత్వ నమోదును చేపట్టనున్నారు. ప్రపంచవ్యాప్తంగా 1200 మంది కౌన్సిల్ మెంబర్స్ని ఏర్పాటు చేయటంతోపాటు తెదేపా కేంద్ర కార్యాలయంలో 24 గంటలు అందుబాటులో ఉండేలా హెల్ప్ లైన్ - ల్యాండ్ లైన్ నంబర్ +918645350888, వాట్సాప్ నంబర్ +918950674837 ను ఏర్పాటు చేసినట్లు చంద్రబాబు తెలిపారు.
తెదేపా కార్యకర్తల పిల్లలు విదేశాల్లో చదువుకునేందుకు తగిన సూచనలు, సలహాలు ఇవ్వటంతోపాటు.. ఏపీలో ఐటీ, టెక్నికల్ వంటి పలు ఉద్యోగ, ఉపాధిశిక్షణా కార్యక్రమాలను ఈ విభాగం నిర్వహించనుంది. విదేశాల్లో ఉన్న తెలుగు వారికి ప్రొసీజరల్ గైడ్ లైన్స్ ఇవ్వడంతోపాటు ఆపద సమయంలో సాయం అందించేందుకు ఎన్ఆర్ఐ టీడీపీ సెల్ పని చేస్తుంది. ఉక్రెయిన్పై రష్యా యుద్ద సమయంలో ఉక్రెయిన్లో చిక్కుకున్న తెలుగు విద్యార్థులను స్వదేశానికి తరలించడంలో ఎన్ఆర్ఐ సేవలను చంద్రబాబు కొనియాడారు. ఈ కార్యక్రమంలో డా. వేమూరి రవి, రాజశేఖర్ చప్పిడితో పాటుగా పార్టీ అమెరికా కోఆర్డినేటర్ కోమటి జయరాం పాల్గొన్నారు.
ఇదీ చదవండి: Lokesh: 'జగన్ పరిపాలనలో న్యాయస్థానాలకు సైతం రక్షణ లేదు'
