ఆంధ్రప్రదేశ్‌లో రైతు ఆత్మహత్యలు రోజురోజుకూ పెరుగుతుండటం, రైతు ఆత్మహత్యల్లో ఏపీ దేశంలో మూడో స్థానంలో ఉండటం విషాదకరమని తెలుగుదేశం అధినేత చంద్రబాబు విచారం వ్యక్తం చేశారు. పది మందికి అన్నం పెట్టే రైతన్నలంతా ఎల్లప్పుడూ సంతోషంగా ఉండాలనేది తెలుగుదేశం పార్టీ ఆకాంక్ష అన్నారు. రైతు సోదరులందరికీ జాతీయ రైతు దినోత్సవం శుభాకాంక్షలు తెలిపారు.
ప్రజా రాజధాని అమరావతి ప్రాంత రైతులు 372 రోజులుగా నిద్రాహారాలు లేకుండా ఉద్యమిస్తున్నారని.. వీరిలో 10 మందికి పైగా అన్నదాతలు అమరులయ్యారని ఆవేదన వ్యక్తం చేశారు. ప్రభుత్వం తన అప్పు పరిధిని పెంచుకోవటానికి వ్యవసాయ మోటార్లకు మీటర్లు బిగించి రైతుపై మరింత భారం వేయనుందని ఆరోపించారు.
వరుస వరదలు, భారీ వర్షాలు, నివర్ తుపాన్ విపత్తులతో రైతులు తీవ్రంగా నష్టపోయారన్నారు. తెలుగుదేశం పార్టీ అసెంబ్లీలో బైఠాయించి పట్టుబట్టేదాకా పంటబీమా ప్రీమియం కట్టలేదంటే రైతుల పట్ల పాలకులకెంత నిర్లక్ష్యమో తెలుస్తుందన్నారు. రైతుకు పరిహారం అడిగితే సభలో తమపైనే దాడికి తెగబడ్డారని మండిపడ్డారు.
ఇకమీదట అయినా పాలకులు తీరు మార్చుకుని పంటకు గిట్టుబాటు ధరలు అందించాలని, పంట కొనుగోళ్ళలో అవినీతికి స్వస్తి చెప్పాలని డిమాండ్ చేశారు. రైతుల బకాయిలు తక్షణమే చెల్లించాలన్నారు.
విపత్తు పరిహారం, బీమా, ఇన్పుట్ సబ్సిడీలు సకాలంలో అందించి రైతుల్లో భవిష్యత్పై భరోసా పెంచాలని కోరారు. తెలుగుదేశం ప్రభుత్వంలో ఇచ్చినట్టుగా సబ్సిడీపై వ్యవసాయ యంత్ర పరికరాలను అందించాలని డిమాండ్ చేశారు. సబ్సిడీ ఇచ్చి సూక్ష్మసేద్యాన్ని ప్రోత్సహించాలని డిమాండ్‌చేశారు. ఎద్దు ఏడ్చిన చోట వ్యవసాయం నిలవదు, రైతు ఏడ్చిన చోట రాజ్యం నిలవదు అంటారనీ..., పాలకులు ఇది గ్రహించకపోతే పుట్టగతులు ఉండవని హెచ్చరించారు.
-
మరోవైపు ప్రజా రాజధాని అమరావతి ప్రాంత రైతులు 372 రోజులుగా నిద్రాహారాలు లేకుండా ఉద్యమిస్తున్నారు. వీరిలో 110 మందికి పైగా అన్నదాతలు అమరులయ్యారు. ఇంకోవైపు ప్రభుత్వం తన అప్పు పరిధిని పెంచుకోవడం కోసం వ్యవసాయ మోటార్లకు మీటర్లు బిగించి రైతుపై మరింత భారం వేయబోతోంది(2/5)
— N Chandrababu Naidu #StayHomeSaveLives (@ncbn) December 23, 2020 " class="align-text-top noRightClick twitterSection" data="
">మరోవైపు ప్రజా రాజధాని అమరావతి ప్రాంత రైతులు 372 రోజులుగా నిద్రాహారాలు లేకుండా ఉద్యమిస్తున్నారు. వీరిలో 110 మందికి పైగా అన్నదాతలు అమరులయ్యారు. ఇంకోవైపు ప్రభుత్వం తన అప్పు పరిధిని పెంచుకోవడం కోసం వ్యవసాయ మోటార్లకు మీటర్లు బిగించి రైతుపై మరింత భారం వేయబోతోంది(2/5)
— N Chandrababu Naidu #StayHomeSaveLives (@ncbn) December 23, 2020మరోవైపు ప్రజా రాజధాని అమరావతి ప్రాంత రైతులు 372 రోజులుగా నిద్రాహారాలు లేకుండా ఉద్యమిస్తున్నారు. వీరిలో 110 మందికి పైగా అన్నదాతలు అమరులయ్యారు. ఇంకోవైపు ప్రభుత్వం తన అప్పు పరిధిని పెంచుకోవడం కోసం వ్యవసాయ మోటార్లకు మీటర్లు బిగించి రైతుపై మరింత భారం వేయబోతోంది(2/5)
— N Chandrababu Naidu #StayHomeSaveLives (@ncbn) December 23, 2020
ఇదీ చదవండి: అనపర్తి, బిక్కవోలులో తీవ్ర ఉద్రిక్తత.. 144 సెక్షన్ విధింపు
