MP Arvind on trs mlas: తెలంగాణపై భాజపా దృష్టిసారించిందని ఆ పార్టీ ఎంపీ ధర్మపురి అర్వింద్ తెలిపారు. నిజామాబాద్లో ఆయన మీడియాతో చిట్చాట్ నిర్వహించారు. ఈ సందర్భంగా వచ్చే ఎన్నికల్లో పోటీపై కీలక వ్యాఖ్యలు చేశారు. రాష్ట్రంలో భాజపా ఒంటరిగా పోటీ చేస్తుందని స్పష్టం చేసిన అర్వింద్.. కాంగ్రెస్, తెరాస మధ్య పొత్తుకు అవకాశం ఉందని అభిప్రాయం వ్యక్తం చేశారు.
ఎక్కడైనా పోటీ చేస్తా..
భాజపాలోకి ఎవరు వచ్చినా ఆహ్వానిస్తామని.. తెరాస ఎమ్మెల్యేలూ తమతో టచ్లో ఉన్నారని చెప్పారు. రానున్న రోజుల్లో మరిన్ని సంచలనాలు ఉంటాయని స్పష్టం చేశారు. పార్టీలో చేరి పనిచేయని నేతలను సహించేది లేదని అర్వింద్ స్పష్టం చేశారు. తన ద్వారా పార్టీలోకి వచ్చినంత మాత్రాన టికెట్ గ్యారంటీ ఏమీ లేదని తేల్చిచెప్పారు. పార్టీ ఆదేశిస్తే అసెంబ్లీకి కూడా పోటీచేస్తానని చెప్పిన అర్వింద్.. ఏ స్థానంలో పోటీకైనా తాను సిద్ధమన్నారు. నిజామాబాద్ పార్లమెంట్ పరిధిలో ఏడు స్థానాల్లో గెలవడమే తన లక్ష్యమన్నారు.
డీఎస్పై ఆసక్తికర వ్యాఖ్యలు..
MP Arvind on kcr: ఈ సందర్భంగా తన తండ్రి.. తెరాస రాజ్యసభ సభ్యుడు డీఎస్పై ఆసక్తికరవ్యాఖ్యలు చేశారు. ఏ పార్టీలో చేరాలన్నదానిపై డీఎస్ నిర్ణయమే అంతిమమని స్పష్టం చేశారు. ఈడీ నోటీసుల భయంతోనే కేసీఆర్ దిల్లీకి పరుగులు పెడుతున్నారని ఆరోపించారు. వచ్చే ఎన్నికల తర్వాత కేసీఆర్ కుటుంబం విదేశాలకు పరారవ్వడం ఖాయమన్నారు.
