'తలనీలాల వ్యవహారంపై తితిదే శ్వేతపత్రం విడుదల చేయాలి'

వైకాపా పాలనపై భాజపా నేతలు ఆగ్రహం వ్యక్తం చేశారు. రాష్ట్రంలో అరాచక పాలన జరుగుతోందని భాజపా నేతలు దుయ్యబట్టారు. తలనీలాల వ్యవహారంపై తితిదే శ్వేతపత్రం విడుదల చేయాలని డిమాండ్​ చేశారు.

రాష్ట్ర ప్రభుత్వం రౌడీ రాజ్యాన్ని నడుపుతోందని రాష్ట్ర వ్యవహారాల భాజపా ఇన్​ఛార్జ్ సునీల్‌ దేవ్‌ధర్‌ అన్నారు. ఇసుక, ఎర్రచందనం మాఫియాలను ప్రభుత్వం ప్రోత్సహిస్తుందని ఆరోపించారు. తలనీలాల వ్యవహారంపై తితిదే శ్వేతపత్రం విడుదల చేయాలని డిమాండ్​ చేశారు. వైకాపా ఎంపీలకు ఇప్పుడు తిరుపతి అభివృద్ధి గుర్తుకొచ్చిందా అని ఎద్దేవా చేశారు. జగన్ సేవ వర్సెస్ జనం సేవ ఏది కావాలో ఓటర్లు తేల్చుకోవాలని సునీల్ దేవ్‌ధర్‌ అన్నారు.

రాష్ట్రంలో అరాచకాలపై భాజపా-జనసేన జైత్రయాత్ర చేస్తుందని సోము వీర్రాజు అన్నారు. తిరుపతి అభివృద్ధిపై చర్చకు పార్టీలు సిద్ధమా అని సోము వీర్రాజు సవాల్​ విసిరారు.

'ఎన్నికల్లో పంచే డబ్బు ఏ సిమెంట్ ఫ్యాక్టరీ నుంచి వస్తోంది. జనం ఓట్లేస్తేనే కదా.. వైకాపాకు మెజారిటీ వస్తుందో లేదో తేలేది. ప్రజలను భయపెడుతూ 5 లక్షల మెజారిటీ అంటున్నారు' - సోము వీర్రాజు

ఇదీ చదవండి: 'ఈ - వేలం ద్వారానే తలనీలాలను విక్రయిస్తాం..'