తెలంగాణ రాజన్న సిరిసిల్ల జిల్లా బోయినపల్లి మండలం మధ్య మానేరు ప్రాజెక్టులో మత్స్యకారులకు 26 కిలోల భారీ చేప చిక్కింది. గత పది రోజులుగా ఈ ప్రాజెక్టు నుంచి నీటిని దిగువ మానేరు ప్రాజెక్టుకు తరలిస్తున్నారు.
మధ్య మానేరు ప్రాజెక్టు గేట్ల దిగువన జల ప్రవాహానికి భారీగా చేపలు వచ్చి చేరుతున్నాయి. దీంతో సమీప గ్రామాల నుంచి మత్స్యకారులు చేరుకుని చేపలు పడుతున్నారు. ఈ క్రమంలో మాన్వాడకు చెందిన బత్తిని సంపత్, పర్శరాంలకు ఆదివారం రోజున ఏకంగా 26 కిలోల భారీ చేప చిక్కింది. ఆ చేపను ఉత్సాహంగా తమ గ్రామానికి తీసుకెళ్లారు. దానిని స్థానికులు ఆసక్తిగా తిలకించారు.
ఇదీ చూడండి:
