Kidnap: తెలంగాణలోని సంగారెడ్డి జిల్లా అమీన్పూర్ మున్సిపల్ కోఆప్షన్ సభ్యురాలి భర్త శిఖామణి.. ఓ వ్యక్తిని కిడ్నాప్ చేయించడం కలకలం సృష్టించింది. 15రోజుల క్రితం ఈ ఘటన జరగగా ఆలస్యంగా వెలుగులోకి వచ్చింది. ఇందుకు సంబంధించిన వివరాలు ఈవిధంగా ఉన్నాయి. అమీన్పూర్ మున్సిపాలిటీకి చెందిన ఓ కోఆప్షన్ సభ్యురాలి భర్త శిఖామణి.. తన బంధువులకు చెందిన మహిళతో వివాహేతర సంబంధం కొనసాగిస్తున్నాడు.
ఈ విషయాన్ని గమనించిన సదరు మహిళ భర్త.. రాజు వారి బాగోతాన్ని వీడియోలు తీశాడు. ఈ విషయం తెలుసుకున్న శిఖామణి తన అనుచరులను పంపించి.. రాజును కిడ్నాప్ చేయించాడు. అతని వద్ద ఉన్న వీడియోలను తీసివేయించి రాజును విడిచిపెట్టారు. ఈ ఘటన 15రోజుల క్రితం జరగగా బాధితుడి ఫిర్యాదుతో ఆలస్యంగా వెలుగులోకి వచ్చింది. దీనిపై అమీన్పూర్ పోలీసులు కేసు నమోదు చేసి దర్యాప్తు చేపట్టారు.
ఈ ఘటనలో ఏడుగురు నిందితుల ప్రమేయం ఉన్నట్లు పోలీసులు గుర్తించారు. వీరిలో నలుగురి నిందితులను అరెస్ట్ చేశారు. పరారీలో ఉన్న ముగ్గురు నిందితులను త్వరలోనే పట్టుకుంటామని తెలిపారు. నిందితుల వద్ద నుంచి నాలుగు సెల్ఫోన్లు, ఒక కారు స్వాధీనం చేసుకున్నామని పోలీసులు తెలియజేశారు. సదరు బాధితుడు రాజుపై అతని భార్య గతంలో ఖమ్మంలో కేసు పెట్టినట్లు సమాచారం.
ఇవీ చదవండి:
