ap topnews ప్రధానవార్తలు11AM

.

ప్రధానవార్తలు11AM

Published : Aug 30, 2022, 10:58 AM IST

మా సొమ్ము ఆర్టీసీకి ఎందుకు

ఆర్టీసీ ఉద్యోగులు ప్రభుత్వంలో విలీనమయ్యాక ఉద్యోగి పదవీ విరమణ ప్రయోజన పథకాన్ని (ఎస్‌ఆర్‌బీఎస్‌) రద్దు చేయడంపై నిరసన వ్యక్తమవుతోంది. 8శాతం వడ్డీతో ఉద్యోగులకు సెటిల్‌మెంట్‌ చేస్తోంది. అయినా యాజమాన్యం వద్ద ఇంకా రూ.120 కోట్లు మిగులుతాయని ఉద్యోగ వర్గాలు ఆందోళన చేస్తున్నాయి.

ఫ్లెక్సీల నిషేధంతో పరిశ్రమకు భారీ దెబ్బ

ప్లాస్టిక్‌ నిర్మూలనలో భాగంగా ఫ్లెక్సీలు నిషేధిస్తున్నాన్న ముఖ్యమంత్రి ప్రకటన వ్యాపార వర్గాల్లోఆందోళన రేకెత్తిస్తోంది. అకస్మాత్తుగా తీసుకున్న నిర్ణయం వల్ల వేల మంది రోడ్డున పడే ప్రమాదముందనిఫ్లెక్స్‌ ప్రింటింగ్‌ నిర్వాహకులు వాపోతున్నారు. పునరాలోచించాలని డిమాండ్ చేస్తున్నారు.

నన్ను బూచిగా చూపి ప్రకాశ్‌పై చర్యలు

తనను బూచిగా చూపి ఏఆర్ కానిస్టేబుల్ ప్రకాశ్‌పై చర్యలు తీసుకున్నారని కానిస్టేబుల్‌ డిస్మిస్‌ కేసులో బాధితురాలు లక్ష్మి వాపోయారు. ప్రకాశ్‌ తన నుంచి 30 తులాల బంగారం, రూ.10 లక్షలు తీసుకున్నట్లు పోలీసులు మోపిన అభియోగంలో నిజం లేదని స్పష్టంచేశారు. కానిస్టేబుల్‌ తనను ఎలాంటి ఇబ్బంది పెట్టలేదని ఉన్నతాధికారులకు ఎన్నిసార్లు విన్నవించుకున్నా పట్టించుకోలేదని, కక్ష సాధింపులో భాగంగానే తనను అడ్డం పెట్టుకుని ఆయనను డిస్మిస్‌ చేశారని వాపోయారు.

మహిళను దారుణంగా చంపి, ఆపై

ఓ మహిళను అతికిరాతకంగా హత్యచేసి ఒంటి మీద బంగారు నగలు దోచుకెళ్లిన ఘటన బాపట్లజిల్లా చీరాలలో చోటుచేసుకుంది. చీరాలలోని ఆంధ్రరత్న రోడ్డులో వూట్ల మదనగోపాలమూర్తి, విజయలక్ష్మీ దంపతులు నివసిస్తున్నారు. సోమవారం సాయంత్రం ఇంట్లో ఒంటరిగా ఉన్న విజయలక్ష్మీ గొంతునులిమి, అతికిరాతకంగా తలమీద మోది హత్య చేశాడు. అనంతరం ఆమె ఒంటిపై ఉన్న నగలు ఎత్తుకెళ్లాడు.

దేశంలో తగ్గిన కొవిడ్ కేసులు, జపాన్లో ఆగని ఉద్ధృతి, భారీగా మరణాలు

దేశంలో సోమవారం 8 నుంచి మంగళవారం ఉదయం 8 గంటల వరకు 5,439 మందికి కరోనా వైరస్‌ సోకినట్లు నిర్ధరణ అయింది. ఒక్కరోజులో 22,031 మంది కరోనా నుంచి కోలుకున్నారు. రికవరీ రేటు 98.62 శాతానికి పెరిగింది. యాక్టివ్ కేసులు 0.15 శాతానికి తగ్గినట్లు కేంద్ర ఆరోగ్య శాఖ వెల్లడించింది.

పూరీ క్షేత్రంలో వెలకట్టలేని సంపద, కాపలాగా సర్పాలు

ఒడిశాలోని పూరీ శ్రీక్షేత్ర రత్నభాండాగారంలో స్వామి సంపద ఎంత ఉంది? అందులోని మూడో గదిని తెరవరెందుకు? అనే విషయాలపై రాష్ట్రంలో తీవ్ర చర్చ సాగుతోంది. ఈ భాండాగారానికి చెందిన మూడో గది నుంచి సొరంగ మార్గం ఉందన్న సమాచారమూ వినిపిస్తోంది. ఈ గదిలో అపార సంపద (వజ్ర, వైడూర్య, గోమేధిక, పుష్పరాగాలు, కెంపులు, రత్నాలు, స్వర్ణ కిరీటాలు) ఉందని చరిత్రకారులు చెబుతున్నారు.

సగానికిపైగా పాకిస్థాన్‌ వరదలోనే, 1100 దాటిన మృతులు, మోదీ ఏమన్నారంటే

భీకర వరదలు పాకిస్థాన్ను అతలాకుతలం చేస్తున్నాయి. ఇప్పటివరకు వరదల ధాటికి 1,136 మంది ప్రాణాలు కోల్పోయారు. సగానికి పైగా పాకిస్థాన్ వరద నీటిలోనే మగ్గిపోతోంది. ఈ నేపథ్యంలో భారత ప్రధాని నరేంద్ర మోదీ పాక్ను ఉద్దేశించి ట్వీట్ చేశారు.