విశాఖను ఆర్థిక నగరంగా అభివృద్ధి చేస్తా: శ్రీ భరత్

విశాఖ తెదేపా ఎంపీ అభ్యర్థి శ్రీ భరత్ నగరంలోని పలు కాలనీల్లో ఎన్నికల ప్రచారం చేశారు. ఎమ్మెల్యే అభ్యర్థి వాసుపల్లి గణేష్​తో కలిసి ఏవీఎన్ కళాశాల ప్రాంతంలో పర్యటించిన భరత్​కు మహిళలు నిరాజనాలు పట్టారు. చంద్రన్న సంక్షేమ కార్యక్రమాలే తనను గెలిపిస్తానని భరత్ అన్నారు.

తెలుగుదేశం పార్టీ విశాఖ ఎంపీ అభ్యర్థి శ్రీ భరత్ నగరంలో ఎన్నికల ప్రచారం నిర్వహించారు. ఎమ్మెల్యే అభ్యర్థి వాసుపల్లి గణేష్​తో కలిసి రెండు రోజులుగా విశాఖ దక్షిణ నియోజకవర్గంలో పర్యటిస్తున్న ఆయన ఇవాళ ఏవీఎన్ కళాశాల ప్రాంతంలోని పలు కాలనీల్లో పర్యటించారు. ఇంటింటికీ తిరుగుతూ సైకిల్ గుర్తుకు ఓటు వేయాలని అభ్యర్థించారు.

పాతనగరంలో పర్యటిస్తున్న భరత్​కు మహిళలు హరతులు పట్టారు. యువకులు సెల్ఫీలు దిగేందుకుకు ఉత్సాహం చూపించారు. అనంతరం భరత్ మాట్లాడుతూ విశాఖను ఆర్థిక నగరంగా తీర్చిదిద్దేందుకు తన వంతు కృషి చేస్తానన్నారు. సీఎం చంద్రబాబు చేసిన అభివృద్ధి, సంక్షేమ పథకాలే తెదేపాను తిరిగి గెలిపిస్తాయని ధీమా వ్యక్తం చేశారు. ఎమ్మెల్యే వాసుపల్లి గణేష్ గత 5 ఏళ్లుగా నియోజకవర్గ అభివృద్ధికి కృషి చేశారన్నారు.

ఇవీ చూడండి