వంతెన అంచున కంటైనర్... గాల్లో ప్రాణాలు...

చిత్తూరు జిల్లా కైగర్ వద్ద కంటైనర్ అదుపుతప్పి వంతెన అంచున నిలిచింది. డ్రైవర్ నిద్రమత్తులో ఉండడం వలనే ఈ ప్రమాదం జరిగిందని పోలీసులు తెలిపారు. వేగంగా వచ్చిన కంటైనర్ వంతెన అంచున ఆగడం వలన చోదుకుడు ఊపిరి పీల్చుకున్నాడు.

చిత్తూరు జిల్లా బైరెడ్డిపల్లె మండలం కైగల్ వద్ద ఈ తెల్లవారు జామున ఓ కంటైనర్ వంతెన అంచుకు దూసుకెళ్లింది. కంటైనర్ అడ్డంగా ఆగిపోవడం వలన పలమనేరు-కుప్పం జాతీయ రహదారిపై ట్రాఫిక్ నిలిచిపోయింది. అనంతరం పోలీసులు ప్రత్యామ్నాయంగా వాహనాలను కర్ణాటక రహదారి మీదుగా మళ్లించారు. ప్రమాదానికి గురైన వాహనం తమిళనాడులోని హోసూరు నుంచి రాజస్థాన్ వెళ్తున్నట్లు పోలీసులు తెలిపారు. చోదకుడు నిద్రమత్తులో ఉండడం వలన ప్రమాదం జరిగిందని పోలీసులు అన్నారు. కంటైనర్ వంతెన అంచున ఆగడం వలన డ్రైవర్, క్లీనర్ ప్రాణాలతో బయటపడ్డారు. పోలీసులు వాహనాన్ని తొలగించేందుకు ప్రయత్నిస్తున్నారు.