నేడు కడప, చిత్తూరు జిల్లాలలో సీఎం ఎన్నికల ప్రచారం

ఎన్నికల ప్రచారంలో జోరు పెంచిన తెలుగుదేశం అధినేత చంద్రబాబు నాయుడు బహిరంగసభలు, రోడ్ షోలలో పాల్గొంటున్నారు. ఒకే రోజు రెండు, మూడు జిల్లాల్లో పర్యటిస్తూ కార్యకర్తల్లో జోష్ పెంచుతున్నారు. అధినేత ప్రచారంతో తమ గెలుపు తథ్యమని తెదేపా అభ్యర్థులు ధీమావ్యక్తం చేస్తున్నారు. సీఎం చంద్రబాబు..నేడు కడప, చిత్తూరు జిల్లాల్లో ఎన్నికల ప్రచారం నిర్వహించనున్నారు.

నేడు కడప, చిత్తూరు జిల్లాల్లో సీఎం చంద్రబాబు పర్యటించనున్నారు. ఎన్నికల ప్రచారంలో భాగంగా ఈ పర్యటన కొనసాగుతుంది.

కడప జిల్లాలో

కడప జిల్లాలో సీఎం పర్యటన ఉదయం 11 గంటలకు మొదలవుతుంది. బద్వేల్​లో జరిగే తెదేపా బహిరంగ సభలో చంద్రబాబు ప్రసంగిస్తారు. అనంతరం అక్కడి నుండి రాయచోటికి చేరుకుంటారు. మధ్యాహ్నం 12 గంటలకు రాయచోటిలో జరిగే ఎన్నికల సన్నాహక సభలో ముఖ్యమంత్రి పాల్గొంటారు. కడప జిల్లాలో ఎన్నికల ప్రచారం ముగిసిన అనంతరం సీఎం ..చిత్తూరు జిల్లా ఎన్నికల ప్రచారానికి బయల్దేరతారు.

చిత్తూరు జిల్లాలో

చిత్తూరు జిల్లాలోని నాలుగు నియోజకవర్గాల్లో సీఎం ఇవాళ..ప్రచారం చేయనున్నారు. నేటి మధ్యాహ్ననానికి ముఖ్యమంత్రి పలమనేరుకు చేరుకుంటారు. అక్కడి క్లాక్ టవర్ వద్ద ఏర్పాటు చేసిన బహిరంగసభలో చంద్రబాబు ప్రసంగిస్తారు. అనంతరం హెలికాఫ్టర్​లో శ్రీకాళహస్తికి బయల్దేరతారు. శ్రీకాళహస్తి బేర్వాడి కల్యాణమండపం కూడలిలో జరిగే సభలో చంద్రబాబు పాల్గొంటారు. అక్కడి నుంచి హెలికాఫ్టర్​లో చంద్రగిరి చేరుకుంటారు. చంద్రగిరి క్లాక్ టవర్ వద్ద సీఎం ఎన్నికల ప్రచారం జరుగుతుంది. ప్రచారం అనంతరం రోడ్డు మార్గం ద్వారా తిరుపతికి బయల్దేరతారు. రాత్రి.. తిరుపతి లీలా మహల్ సర్కిల్​ రోడ్​ షోలో పాల్గొంటారు.