ఎన్నికల ప్రక్రియలో సంస్కరణలు!

2019 లోక్​సభ ఎన్నికల ప్రక్రియలో మార్పులు, చేర్పులపై న్యాయ మంత్రిత్వశాఖను ఈసీ సంప్రదించింది.

ఎన్నికల ప్రక్రియలో అవసరమైన సంస్కరణలు చేపట్టేందుకు కేంద్ర ఎన్నికల​ సంఘం​ కసరత్తులు చేస్తోంది. 2019 లోక్​సభ ఎన్నికల్లో మార్పులు చేర్పుల విషయమై కేంద్ర న్యాయ శాఖ కార్యదర్శిని కలిశామని సీఈసీ సునీల్ అరోరా తెలిపారు.

" ఎన్నికల ప్రక్రియలో సంస్కరణల విషయమై న్యాయ శాఖ కార్యదర్శితో సమావేశమయ్యాం. ఈ అంశంపై వారు కసరత్తు చేస్తున్నారు."
-సునీల్ అరోరా, భారత ఎన్నికల ప్రధాన అధికారి

ప్రతిపాదించిన నిబంధనలు

నిబంధనలను ఉల్లంఘిస్తే అభ్యర్థిపై వేటు వేసేందుకు ఈసీ ప్రతిపాదనలు పంపింది. ప్రచారంలో నిర్ణయించిన దానికన్నా ఎక్కువ ఖర్చు పెట్టడం, తప్పుడు ధ్రువీకరణ పత్రాలు దాఖలు చేసినట్లు తేలితే అభ్యర్థులను అనర్హులుగా ప్రకటించాలని ప్రతిపాదించింది.