Hyderabad Police Arrest to Cheating Lover: ప్రేమ పేరుతో ఓ యువతిని నమ్మించి అత్యాచారం చేసిన వ్యక్తిని పోలీసులు అరెస్టు చేశారు. వరంగల్ జనగామకు చెందిన స్వామి అనే వ్యక్తి ఆస్ట్రేలియాలో నివాసం ఉంటున్నట్లు మహంకాళి ఇన్స్పెక్టర్ పరుశురాం తెలిపారు. ఛత్తీస్గఢ్కు చెందిన యువతితో ఫేస్బుక్లో ఏర్పడిన పరిచయం ప్రేమగా మారడంతో ఇద్దరూ సికింద్రాబాద్ మహంకాళి పోలీస్ స్టేషన్ పరిధిలో ఓ హోటల్లో కలుసుకున్నారు. హోటల్లో యువతిపై స్వామి లైంగిక దాడికి పాల్పడ్డాడు.
యువతిపై అత్యాచారం చేసిన అనంతరం పెళ్లి ప్రస్తావన తీసుకురాగా, పెళ్లికి నిరాకరించిన స్వామి ఆస్ట్రేలియాకు వెళ్లేందుకు విమానాశ్రయానికి చేరుకున్నాడు. బాధిత యువతి ఫిర్యాదుతో మహంకాళి పోలీసులు ఓఆర్ఆర్, శంషాబాద్ ఎయిర్పోర్ట్ పోలీసులతో సంయుక్తంగా ఆపరేషన్ నిర్వహించి స్వామిని ఆస్ట్రేలియాకు వెళ్లకుండా విమానాశ్రయంలోనే ఆపి అరెస్టు చేశారు. కేసు నమోదు చేసి నిందితుడు స్వామిని రిమాండ్కు తరలించారు.
