పొలాల్లో సంచరిస్తున్న చిరుత - భయాందోళనలో ప్రజలు

Leopard Roaming in Chittoor District: చిత్తూరు జిల్లా పులిచెర్ల మండలం కొడిదపల్లిలో చిరుత పులి సంచారం గ్రామస్థులను భయాందోళనకు గురి చేస్తోంది. వ్యవసాయ పొలాల్లో చిరుత తిరుగుతున్న దృశ్యాలు వెలుగులోకి రావడంతో స్థానికులు బెంబేలెత్తిపోతున్నారు. కురువపల్లి నుంచి వచ్చిన చిరుత పొలాల్లో నుంచి చింతలవారిపల్లె వెళ్తుండగా రైల్వే ఉద్యోగి బాలాజీ గుర్తించారు. వెంటనే గ్రామ ప్రజలకు, అటవీ అధికారులకు సమాచారం అందించారు. మైదాన ప్రాంతాల్లో చిరుత సంచారంతో ప్రజలు భయాందోళన చెందుతున్నారు.