'ఏం మొహం ఎట్టుకుని ఓటడగడానికి వచ్చారు?'- వైఎస్సార్సీపీ అభ్యర్థిని నిలదీసిన గ్రామస్థులు - YSRCP Ponnada Satish Kumar

YSRCP Candidate Ponnada Satish Kumar People Protest in Konaseema District : కోనసీమ జిల్లా ముమ్మిడివరం వైఎస్సార్సీపీ అభ్యర్థి పొన్నాడ వెంకట సతీష్ కుమార్‌కు నిరసన సెగ తగిలింది. అయిదేళ్ల కాలంలో ఎన్నో హామీలిచ్చి ఏ ఒక్కటి నెరవేర్చలేదని గ్రామస్తులు అడ్డుకొని నిరసన తెలిపారు. ఇప్పుడు ఈ వీడియో సామాజిక మాధ్యమాల్లో వైరల్​ అవుతుంది

గత ఎన్నికల్లో మూలపొలం గ్రామానికి తాగునీరు సౌకర్యం ఇస్తామని హామీ ఇచ్చి గాలి వదిలేశారని స్థానిక యువకులు మండిపడ్డారు. ఇంటింటికి కుళాయి కనెక్షన్​​ ఇస్తామని పట్టించుకోలేదని ఆగ్రహం వ్యక్తం చేశారు. ఎన్నికల కోడ్​ వచ్చిన తర్వాత శంకుస్థాపన చేసి వదిలేశారని ధ్వజమెత్తారు. తాగునీరు లేక నాలుగు నెలలుగా ఎన్నో ఇబ్బందులు పడుతున్నా పట్టించుకోలేదని మండిపడ్డారు. ఇప్పుడు ఏ మొహం పెట్టుకొని ఓటు అడగడానికి వచ్చావని స్థానికులు ప్రశ్నించారు. యువకుల ప్రశ్నలకు సమాధానం చెప్పలేని వైఎస్సార్సీపీ అభ్యర్థి పొన్నాడ వెంకట సతీష్​ కుమార్​ ఇష్టముంటే ఓటేయండి లేకపోతే లేదంటూ అక్కడ నుంచి జారుకున్నారు.