ప్రొద్దుటూరులో యువకుల మధ్య ఘర్షణ - ఇద్దరికి గాయాలు - Young Men dispute

Young Men dispute Due to Woman in Proddatur : వైఎస్సార్ జిల్లా ప్రొద్దుటూరులో యువకుల మధ్య బుధవారం రాత్రి ఘర్షణ చోటు చేసుకుంది. స్థానిక రామేశ్వరానికి చెందిన రాజేష్​, నేతాజీనగర్​కు చెందిన మణి అనే మధ్య ఓ మహిళ విషయంలో వివాదం చెలరేగింది. దీంతో వారి మధ్య మాటామాటా పెరిగి ఘర్షణకు దారి తీసింది. ఈ క్రమంలో మణి రాజేష్​, అతని తమ్ముడు సురేష్​, అల్లుడు చిన్న వెంకటేష్​లపై కత్తితో దాడి చేశాడు. 

ఈ ఘటనలో సురేష్​, చిన్న వెంకటేష్​లు గాయపడ్డాడు. వారిని స్థానికులు వెంటనే ప్రభుత్వ ఆసుపత్రికి తరలించారు. అనంతరం మెరుగైన వైద్యం కోసం గాంధీ రోడ్డులోని ఓ ప్రైవేటు ఆసుపత్రికి తరలించి చికిత్స అందిస్తున్నారు. స్థానికుల ద్వారా విషయం తెలుసుకున్న సీఐ శ్రీకాంత్​ సిబ్బందితో కలిసి ఆసుపత్రికి చేరుకుని ఘటనపై ఆరా తీశారు. రాజేష్​ ఇచ్చిన ఫిర్యాదు మేరకు హత్యాయత్నం కేసు నమోదు చేసి దర్యాప్తు చేస్తున్నట్లు తెలిపారు.