వైసీపీ ఎమ్మెల్యే అభ్యర్థికి షాకిచ్చిన గ్రామస్తులు- ఐదేళ్లలో గ్రామానికి ఏం చేశారో చెప్పాలని నిలదీత - people fire on Tellam Balaraju

People Blocked for YCP MLA Candidate Election Campaign : ఎన్నికల ప్రచారానికి వెళ్లిన వైసీపీ ఎమ్మెల్యే అభ్యర్థి తెల్లం బాలరాజుకు చేదు అనుభవం ఎదురైంది. ఈ సంఘటన ఏలూరు జిల్లా టి. నర్సాపురం మండలం కృష్ణాపురంలో జరిగింది. వివరాల్లోకి వెళ్తే, నర్సాపురం నియోజకవర్గంలో వైఎస్సార్సీపీ తరుపున ఎమ్మెల్యే అభ్యర్థిగా ఉన్న తెల్లం బాలరాజు ఎన్నికల నేపథ్యంలో విస్తృత ప్రచారం చేస్తున్నారు. ప్రచారంలో భాగంగా ఈరోజు నియోజకవర్గంలోని కృష్ణాపురం గ్రామంలో సాయంత్రం పర్యటించడానికి వెళ్లారు. ఇంటింటా ప్రచారం చేస్తున్న సమయంలో తెల్లం బాలరాజు, వైసీపీ నేత రాజ్యలక్ష్మిని స్థానికులు అడ్డుకున్నారు. గ్రామంలోకి రావద్దని తేల్చిచేప్పారు.

Tellam Balaraju Election Campaign : అధికారంలో ఉండి గత ఐదేళ్ల కాలంతో తమ గ్రామానికి ఏం చేశారో చెప్పాలని నిలదీశారు. అలాగే అక్కడికి వచ్చిన వైసీపీ నేతలకు వ్యతిరేకంగా నినాదాలు చేశారు. దీంతో ప్రచారం గంటపాటు నిలిచిపోయింది. ఎన్నికల్లో గెలిచిన తరువాత ముందుగా మీ గ్రామాన్నే అభివృద్ధి చేస్తామని నాయకులు చెప్పిన గ్రామస్తులు వినిపించుకోలేదు. చివరికి స్థానిక నాయకులు సర్ది చెప్పడంతో గొడవ సర్దుమణిగింది.