విశాఖలో క్యాబ్​ డ్రైవర్​ దారుణ హత్య - కారణం తెలిస్తే షాక్​ - Young Man Murdered

Cab Driver Murdered in Visakha : విశాఖ నగర పరిధిలోని అగనంపూడి సమీపంలో ఓ క్యాబ్​ డ్రైవర్​ దారుణ హత్యకు గురయ్యాడు. మల్కాపురం ప్రకాష్​ నగర్​కు చెందిన దాడి సూర్యకిరణ్​ను (25) నిందితుడు దారుణంగా కత్తితో పొడిచాడు. రెండేళ్ల క్రితం గాజువాక దరి శ్రీనగర్​కు చెందిన పసుపులేటి మేఘనను సూర్యకిరణ్​ ప్రేమించి పెళ్లి చేసుకున్నాడు. ఈ నెల 1న ఆమె ఆడబిడ్డకు జన్మనిచ్చింది. తన భార్యను, బిడ్డను చూసి ఇంటికి వెళ్తున్న సమయంలో ఈ సంఘటన జరిగింది.

ఈ నేపథ్యంలో తన కుమార్తె, మనమరాలిని చూడడానికి మేఘన తల్లి సుజాత ఆసుపత్రికి వచ్చింది. తన అత్త ఎజ్జల కొర్లయ్య అనే వ్యక్తితో సన్నిహితంగా ఉంటుందన్న కారణంతో సూర్యకిరణ్ ఆమెను అడ్డుకుని గొడవ పడ్డాడు. ఈ విషయాన్ని ఆమె కొర్లయ్యకు చెప్పింది. ఆసుపత్రి నుంచి బైక్​పై ఇంటికి వెళుతున్న సూర్యకిరణ్​పై కొర్లయ్య మాటువేసి కత్తితో దాడి చేసి తీవ్రంగా గాయపరిచాడు. దీంతో సూర్యకిరణ్​ అక్కడికక్కడే ప్రాణాలు వదిలాడు. స్థానికుల సమాచారం మేరకు దువ్వాడ పోలీసులు కేసు నమోదు చేసి నిందితుడిని అదుపులోకి తీసుకొని విచారిస్తున్నారు.