పదవి కోసం పెద్దిరెడ్డి నా కాళ్లు పట్టుకున్నారు : కిరణ్​ కుమార్​ రెడ్డి - BJP Leader Kiran Kumar Reddy

BJP Leader Kiran Kumar Reddy Comments on Peddireddy Ramachandra Reddy : డీసీసీ అధ్యక్ష పదవి కోసం మంత్రి పెద్దిరెడ్డి రామచంద్రా రెడ్డి తన కాళ్లు పట్టుకున్నారని మాజీ ముఖ్యమంత్రి, రాజంపేట లోక్​సభ బీజేపీ అభ్యర్థి కిరణ్​కుమార్​ రెడ్డి సంచలన ఆరోపణలు చేశారు. ఆయన చేసిన వ్యాఖ్యలు ప్రస్తుతం రాజకీయ వర్గాల్లో హట్​ టాపిక్​గా మారాయి. అన్నమయ్య జిల్లా పీలేరులో ఆయన సోదరుడు టీడీపీ ఎమ్మెల్యే అభ్యర్థి నల్లారి కిశోర్​కుమార్​ రెడ్డి గురువారం నామినేషన్​ దాఖలు చేశారు. ఈ సందర్భంగా పీలేరులో ర్యాలీ, బహిరంగ  సభల్లో కిరణ్​ కుమార్​ రెడ్డి పాల్గొని పెద్దిరెడ్డి రామచంద్రా రెడ్డిపై తీవ్రస్థాయి విమర్శలు చేశారు.

ముఖ్యమంత్రి అయ్యే అర్హత పెద్దిరెడ్డి రామచంద్రా రెడ్డికి ఉందా అంటూ కిరణ్​ కుమార్​ రెడ్డి ప్రశ్నించారు. తాను ముఖ్యమంత్రి కావడానికి ఎవరి కాళ్లు పట్టుకోలేదని, డీసీసీ అధ్యక్ష పదవి కోసం పెద్దిరెడ్డి రామచంద్రరెడ్డి తన కాళ్లను రెండు సార్లు పట్టుకున్నారని వ్యాఖ్యానించారు. ఈ విషయాన్ని ప్రమాణం చేయడానికి సిద్ధంగా ఉన్నానని పెద్దిరెడ్డి రామచంద్రా రెడ్డికి బహిరంగ సవాల్​ విసిరారు.