వీఎంసీ ఓపెన్‌ డ్రైనేజీలో పడి ఆటోడ్రైవర్ మృతి - మృతుడి కుటుంబాన్ని ఆదుకోవాలని సీపీఎం డిమాండ్​

Auto Driver Died Falling into Open Drainage in Vijayawada : ఓపెన్​ డ్రైనేజీలో పడి ఓ ఆటో డ్రైవర్​ మృతి చెందిన సంఘటన విజయవాడలో జరిగింది. స్థానిక వాంబే కాలనీలో ఆటో నడుపుతూ జీవనం సాగించే కదిరి అప్పన్న వీఎంసీ (Vijayawada Municipal Corporation) ఓపెన్​ డ్రైనేజీలో పడి మృతి చెందాడు. మృతుడి కుటుంబ సభ్యులను సీపీఎం రాష్ట్ర కార్యదర్శి వర్గ సభ్యులు సీహెచ్​ బాబురావు పరామర్శించారు. ఈ సంఘటనకు నగరపాలక సంస్థ బాధ్యత వహించాలని బాబురావు డిమాండ్​ చేశారు.

గతంలో ఇదే ప్రాంతంలో చాలా ప్రమాదాలు జరిగినా నగరపాలక సంస్థ రక్షణ చర్యలు చేపట్టడంలో అధికారులు విఫలం అయ్యారని బాబురావు ఆగ్రహం వ్యక్తం చేశారు. ఇప్పుటికైనా వీఎంసీ అధికారులు ఔట్​ పాల్​ డ్రైనేజీలపైన మూతలను ఏర్పాటు చేయాలని కోరారు. ఇలాంటి సంఘటనలు మళ్లీ పునరావృతం కాకుండా అధికారులు తగిన చర్యలు తీసుకోవాలని విజ్ఞప్తి చేశారు. మృతుడి కుటుంబానికి రూ.10 లక్షల ఆర్థిక సహయం చేయాలని డిమాండ్​ చేశారు.