ఇచ్చిన మాట నిలుపుకోవాలి - అగ్రిగోల్డ్ బాధితుల న్యాయపోరాట దీక్ష

Agrigold Victims at Dharnachowk in Vijayawada : అధికారంలోకి వచ్చి ఐదేళ్లు అవుతున్నా తమ సమస్యలను ఇంకా పరిష్కరించలేదని అగ్రిగోల్డ్​ బాధితులు ధ్వజమెత్తారు. విజయవాడ ధర్నా చౌక్​ వద్ద అగ్రిగోల్డ్​ బాధితులు న్యాయపోరాట దీక్ష చేపట్టారు. ప్రతిపక్ష నేతగా ఉన్నప్పుడు మాట తప్పను - మడమ తిప్పాను అని చెప్పిన జగన్​ అధికారంలోకి రాగానే మాట తప్పారని బాధితులు ఆగ్రహం వ్యక్తం చేశారు.

అగ్రిగోల్డ్​ ఆస్తులను అమ్మి బాధితులకు చెల్లించాలని అగ్రిగోల్డ్​ కస్టమర్స్​ అండ్ వెల్ఫేర్ అసోసియేషన్​ అధ్యక్షుడు ముప్పాళ్ల నాగేశ్వరరావు వ్యాఖ్యానించారు. వారం రోజులలోపు అగ్రిగోల్డ్​ నిధులను కేటాయించి మాట నిలుపుకోవాలని బాధితులు డిమాండ్​ చేశారు. అగ్రిగోల్డ్ ఆస్తులపై ఇంతవరకు ఎలాంటి ఎంక్వయిరీ కూడా చేయించలేదని, అర్జీలపై అర్జీలు పెట్టిన ఎలాంటి ఫలితం లేదని బాధితులు వాపోతున్నారు. తూతూమంత్రంగా రూ.900 కోట్ల ఇచ్చి మోసం చేశారని ఆవేదన వ్యక్తం చేశారు. చనిపోయిన బాధితులకు రూ. 10 లక్షలు ఎక్స్​ గ్రేషియా ఇస్తానన్న హామీ నెరవేర్చాలని పేర్కొన్నారు. అగ్రిగోల్డ్​ బాధితులకు న్యాయం చేయకపోతే రానున్న ఎన్నికల్లో జగన్​ను ఇంటికి పంపిస్తామని హెచ్చరించారు.